ଭୁବନେଶ୍ୱର (ଏଟିଆର ବ୍ୟୁରୋ): ଦୃତ ଗତିରେ କାର୍ ଚଳାଇବା ହେଲା କାଳ । ନିୟନ୍ତ୍ରଣ ହରାଇ ଗଛରେ ପିଟିଲା କାର୍ । ଫଳରେ ଚାଲିଗଲା ଘରର ଦୁଇ ମୁରବିଙ୍କ ଜୀବନ । ଏଭଳି ଏକ ଅଭାବନୀୟ ଘଟଣା କୋରାପୁଟ ଜିଲ୍ଲା ବୈପାରୀଗୁଡା ଥାନା ଟାପଜରି ନିକଟରେ ଘଟିଛି ।
ପୁରୀ ଜିଲ୍ଲା କାକଟପୁର ଅଞ୍ଚଳର ଚୈତନ ପ୍ରସାଦ ମହାନ୍ତି ଗତକାଲି ତାଙ୍କ ପରିବାର ସହିତ ମାଲକାନଗିରି ଅଭିମୁଖେ ଯାଉଥିବା ବେଳେ ଏହି ଦୁର୍ଘଟଣା ଘଟିଥିଲା । ଘଟଣା ସ୍ଥଳରେ ଚୈତନ ଏବଂ ତାଙ୍କ ପତ୍ନୀଙ୍କ ମୃତ୍ୟୁ ହୋଇଥିବା ବେଳେ ତାଙ୍କ ପୁଅକୁ ଗୁରୁତର ଅବସ୍ଥାରେ କୋରାପୁଟ ସହିଦ୍ ଲକ୍ଷ୍ମଣ ନାୟକ ମେଡିକାଲରେ ଭର୍ତ୍ତି କରାଯାଇଛି ।
