ଗଜପତି (ଏଟିଆର ବ୍ୟୁରୋ ) ; ପୂର୍ବ ଶତୃତା ହେଲା କାଳ । ଯୁବକଙ୍କୁ ଗାଁ ଦାଣ୍ଡରେ ଗୋଡାଇ ଗୋଡାଇ ହତ୍ୟା । ପୂର୍ବ ଶତୃତାକୁ କେନ୍ଦ୍ର କରି ଘଟିଛି ଏହି ଲୋମହର୍ଷଣକାରୀ ହତ୍ୟାକାଣ୍ଡ । ଏଭଳି ଅଭାବନୀୟ ଘଟଣା ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ ଡମ୍ବଗୁଡା ଗ୍ରାମରେ ଘଟିଛି । ଯାହା ସମଗ୍ର ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି । ତେବେ ମୃତକ ଜଣକ ହେଲେ ଡମ୍ବଗୁଡା ଗ୍ରାମର ମାଗଦା ପ୍ରଧାନଙ୍କ ପୁଅ ମିଖାଏଲ ବୋଲି ଜଣା ପଡିଛି । କିଛି ଦିନ ତଳେ ଡମ୍ବଗୁଡା ଗ୍ରାମର ମାଶିଆଲ ପରିଛା ଙ୍କ ପୁଅକୁ କୁକୁର କାମୁଡିଦେଇଥିବାରୁ ତାଙ୍କ ପୁଅର ମୃତ୍ୟୁ ହୋଇଥିଲା । ତେବେ ମାଶିଆଲ ତାଙ୍କ ପୁଅର ମୃତ୍ୟୁ ପାଇଁ ମାଗଦା ପ୍ରଧାନ ଦାୟୀ ବୋଲି କହିଥିଲେ । ତାଙ୍କ ପୁଅର ମୃତ୍ୟୁ ମାଗଦା ଙ୍କ ପାଇଁ ହୋଇଛି ବୋଲି ସମସ୍ତଙ୍କ ଆଗରେ କହିଥିଲେ । ମାଗଦା ପ୍ରଧାନ ଗୁଣି ଗାରେଡି କରି ତାଙ୍କ ପୁଅକୁ ମାରି ଦେଇଥିବା ମାଶିଆଲ ସନ୍ଦେହ କରୁଥିଲେ । ତେବେ ପୁଅର ମୃତ୍ୟୁକୁ ଏତେ ସହଜରେ ଭୁଲି ନଥିଲେ ମାଶିଆଲ । ତେଣୁ ମାଶିଆଲ ରାଗରେ ଗତକାଲି ମାଗଦାଙ୍କ ପୁଅ ମିଖାଏଲଙ୍କୁ ହତ୍ୟା କରିଥିବା ଅଭିଯୋଗ ହୋଇଛି ।
ମାଗଦାଙ୍କ ପୁଅ ମିଖାଏଲ ଗତକାଲି ରାସ୍ତାରେ ଘରକୁ ଫେରୁଥିବା ବେଳେ ମାଶିଆଲ ତାଙ୍କୁ ଗାଁ ଦାଣ୍ଡରେ ଗୋଡାଇ ଗୋଡାଇ ହତ୍ୟା କରିଥିବା ମାଗଦା ଥାନାରେ ଅଭିଯୋଗ କରିଛନ୍ତି । ତେବେ ମିଖାଏଲ ଙ୍କୁ ହତ୍ୟା କରିବା ଲାଗି ମାଶିଆଲ ଏକ ଖଣ୍ଡାର ବ୍ୟବହାର କରିଥିବା ଜଣା ପଡିଛି । ସେପଟେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଞ୍ଚ
