ଭୁବନେଶ୍ୱର (ଏଟିଆର ବ୍ୟୁରୋ): ସ୍ମାର୍ଟ ସିଟି ଭୁବନେଶ୍ୱରରେ ଦିନକୁ ଦିନ ଅପରାଧ ବଢିବାରେ ଲାଗିଛି । ଚୋରି ଠାରୁ ଆରମ୍ଭ କରି ବିଭିନ୍ନ ପ୍ରକାରର ଅପରାଧରେ ଲିପ୍ତ ରହୁଛନ୍ତି ଦୁର୍ବୃତ୍ତ। ସେମାନଙ୍କର କାହାକୁ ଡର ଅଛି ନା ଭୟ । ବେଧଡକ ଅପରାଧ କରି ଚାଲିଛନ୍ତି । ସେହିପରି ପୁଣି ରାଜଧାନୀରେ ଗୁଳି ବର୍ଷଣ ହୋଇଛି । ଏଥିରେ ଆହତ ହୋଇଛନ୍ତି ଜଣେ ଢାବା ମାଲିକ ।
ଗତକାଲି ରାତିରେ କଳିଙ୍ଗ ଷ୍ଟୁଡିଓ ଛକରେ ଥିବା ଏକ ଢାବା ମାଲିକଙ୍କ ଉପରକୁ ଅଚାନକ୍ ଗୁଳି ବର୍ଷଣ ହୋଇଛି । ଏଥିରେ ଗୋଟେ ରାଉଣ୍ଡ ଗୁଳି ମାଲିକଙ୍କ ହାତରେ ବାଜିବା ଦ୍ୱାରା ସେ ଆହତ ହୋଇ ପଡିଛନ୍ତି । ତାଙ୍କ ଚିକିତ୍ସା ପାଇଁ ତାଙ୍କୁ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି ।
ପୂର୍ବ ଶତୃତାକୁ ନେଇ ଏଭଳି ଘଟଣା ଘଟିଥିବାର ସନ୍ଦେହ କରାଯାଉଛି । ଏନେଇ ପୋଲିସ ଛାନଭିନ୍ ଆରମ୍ଭ କରିଛି ।
