ନୂଆଦିଲ୍ଲୀ (ଏଟିଆର ବ୍ୟୁରୋ ) ; ରୋନାଲ୍ଡୋଙ୍କ ନାମରେ ଦୁଷ୍କର୍ମ ଅଭଯୋଗ । ବିଶ୍ୱପ୍ରସିଦ୍ଧ ଫୁଟବଲ ଖେଳାଳି କ୍ରିଷ୍ଟିଆନୋ ରୋନାଲ୍ଡୋଙ୍କ ନାମରେ ଜଣେ ମହିଳା ଆଣିଛନ୍ତି ଦୁଷ୍କର୍ମ ଅଭିଯୋଗ । ଆମେରିକାର କ୍ୟାଥରୀନ ମାୟୋର୍ଗା ନାମକ ଜଣେ ମହିଳା ଏପରି ଅଭିଯୋଗ କରିଛନ୍ତି । ତାଙ୍କୁ ୨୦୦୯ ମହିହାରେ ପର୍ତୁଗାଲର ପ୍ରସିଦ୍ଧ ଖେଳାଳି କ୍ରିଷ୍ଟିଆନୋ ରୋନାଲ୍ଡୋ ଦୁଷ୍କର୍ମ କରିଥିବା ଅଭିଯୋଗ କରିଛନ୍ତି ମହିଳା ।
ଏ ସମ୍ପର୍କିତ ଏକ ଖବର ଜର୍ମାନୀର ଏକ ପତ୍ରିକାରେ ପ୍ରକାଶ ପାଇବା ପରେ ଏହାକୁ ନେଇ ଚର୍ଚ୍ଚା ଜୋର ଧରିଛି । ପତ୍ରିକାରେ ସ୍ପଷ୍ଟ ଭାବେ ଲେଖାଯାଇଛି ଯେ ୨୦୦୯ ମସିହାରେ ଲାସ ଭେଗାସର ଏକ ହୋଟେଲରେ ଉଭୟ ଦେଖା ହୋଇଥିଲେ । ଏହାପରେ ରୋନାଲ୍ଡୋ ମାୟୋଗାଙ୍କ ସହ ଦୁଷ୍କର୍ମ କରିଥିଲେ । ପରେ ମାମଲାକୁ ରଫାରଫା କରିବାକୁ ଯାଇ କୋର୍ଟ ବାହାରେ ଦୁଇଜଣଙ୍କ ମଧ୍ୟରେ ବୁଝାବଣା ହୋଇଥିଲା । ସଂମ୍ପୃକ୍ତ ମହିଳାଙ୍କୁ ରୋନାଲ୍ଡୋ ୩,୭୫,୦୦୦ ଆମେରିଜୀୟ ଡଲାର ମଧ୍ୟ ଦେଇଥିବା ପତ୍ରିକାରେ ଲେଖାଯାଇଛି । ଏହାସହ ଏ ଘଟଣାକୁ କାହାକୁ ନ କହିବା ପାଇଁ ମଧ୍ୟ ରୋନାଲ୍ଡୋ ମହିଳାଙ୍କୁ କହିଥିଲେ ବୋଲି ପକାଶ କରାଯାଇଛି ।
ସୂଚନା ଥାଉ କି, ରୋନାଲ୍ଡୋ ଜଣେ ବିଶ୍ୱ ପ୍ରସିଦ୍ଧ ଫୁଟବଲର । ସେ ୫ ଥର ‘ପ୍ଲେୟର ଅଫ୍ ଦ ଇୟର’ ପୁରସ୍କାର ପାଇ ସାରିଛନ୍ତି । ସବୁଠାରୁ ବଡକଥା ଯେ ସେ ବିଶ୍ୱର କେତେଜଣ ବଡ ବଦାନ୍ୟତା ଖେଳାଳି ମାନଙ୍କ ମଧ୍ୟରେ ସବା ଆଗରେ ଅଛନ୍ତି ରୋନାଲ୍ଡୋ । ସେପଟେ ଏଭଳି ଅଭିଯୋଗକୁ ନେଇ ରୋନାଲ୍ଡୋଙ୍କ ଓକିଲ କୋର୍ଟର ଦ୍ୱାରସ୍ତ ହେବେ ବୋଲି କହଛନ୍ତି ।
