ଭଦ୍ରକ (ଏଟିଆର ବ୍ୟୁରୋ) : ହୁତୁହୁତୁ ହୋଇ ଜଳି ଉଠିଲା । ତାପରେ ଚାହୁଁ ଚାହୁଁ ଜଳି ପୋଡି ପାଉଁଶ ହୋଇଗଲା ୧୫ ବଖରା ଘର । ଏଭଳି ଏକ ଭୟାବହ ଅଗ୍ନିକାଣ୍ଡ ଭଦ୍ରକ ଜିଲ୍ଲା ସାବରଙ୍ଗ ସାନଗୋପାଳ ସାହିରେ ଘଟିଛି ।
ଗତକାଲି ବିଳମ୍ବିତ ରାତିରେ ସାନଗୋପାଳ ସାହିରେ ଅଚାନକ୍ ନିଆଁ ଲାଗି ଯାଇଥିଲା । ନିଆଁ ଲାଗିବାର କାରଣ ଜଣାପଡିନଥିଲେ ମଧ୍ୟ ଲୋକେ ନିଆଁକୁ ଆୟତ କରି ପାରିନଥିଲେ । ଅଗ୍ନିଶମ ବିଭାଗକୁ ଖବର ଦେଇଥିଲେ । ଘଟଣାସ୍ଥଳରେ ଦମକଳ ବାହିନୀ ପହଁଚି ନିଆଁ ଲିଭାଇ ଥିଲେ । ଫଳରେ ୧୫ ବଖରା ଘର ପୋଡିଯିବା ସହ ଲକ୍ଷାଧିକ ଟଙ୍କାର ସମ୍ପତି ନଷ୍ଟ ହୋଇଯାଇଛି ।
