ରାୟପୁର,(ଏଟିଆର ବ୍ୟୁରୋ): ପ୍ଲାଣ୍ଟ ଭିତରେ ବିରାଟ ବିଷ୍ଫୋରଣ । ଘଟଣାସ୍ଥଳରେ ଆଖି ବୁଜିଲେ ୬ଜଣ କର୍ମଚାରୀ । କେବଳ ଏତିକି ନୁହେଁ ଏବେ ବି ଘଟଣାରେ ୧୪ଜଣ ଗୁରୁତର ଆହତ ହୋଇ ଏବେ ମେଡିକାଲ ବେଡରେ । ଏଭଳି ଏକ ଘଟଣା ଘଟିଛି ଛତିଶଗଡ଼ର ଭିଲାଇ ଷ୍ଟିଲ ପ୍ଲାଣ୍ଟରେ ।
ସବୁଦିନ ଭଳି ଆଜି ବି ପ୍ଲାଣ୍ଟ ଭିତରେ କର୍ମଚାରୀମାନେ କାମ କରୁଥିଲେ । ସବୁ ସ୍ୱାଭାବିକ ଥିଲା । ହେଲେ ଭିତରେ ଯାଇଥିବା ଗ୍ୟାସ ପାଇପ ଲାଇନ ଅଚାନକ ଫାଟିଗଲା । କେହି କିଛି ବୁଝିବା ପୂର୍ବରୁ ହିଁ ସେଠାରେ ୬ଜଣଙ୍କ ଜୀବନ ଚାଲିଯାଇଥିଲା । ଖବର ପାଇ ପୁଲିସ ଓ ଅଗ୍ନିଶମ ବିଭାଗ କର୍ମଚାରୀ ପହଁଚି ଉଦ୍ଧାର କାର୍ଯ୍ୟ ଜାରି ରଖିବା ସହ ଘଟଣାର ତଦନ୍ତ କରୁଛନ୍ତି । ସେପଟେ ଘଟଣାକୁ ନେଇ ପୂରା ଅଞ୍ଚଳ ଏବେ ସ୍ତବ୍ଧ ହୋଇଯାଇଛି । କ୍ଷତିପୂରଣ ଦାବି ହୋଇଛି ।
