ମୋହନା (ଏଟିଆର ବ୍ୟୁରୋ): ତିତଲି ଭୟରେ ସାରା ଓଡିଶାବାସୀ ଥରହର ଥିବାବେଳେ ଏହାର ପ୍ରଭାବ ସ୍ୱତନ୍ତ୍ର କିଛିଟା ଜିଲ୍ଲାରେ ପଡିଛି । ଗତକାଲି ରାତିରୁ ଢୁଢୁ ବର୍ଷା ସାଙ୍ଗକୁ ପବନ ବହିବାରେ ଲାଗିଛି । ଫଳରେ ଗଜପତି ଜିଲ୍ଲା ମୋହନାରେ ବ୍ୟାପକ କ୍ଷୟ କ୍ଷତି ହୋଇଥିବା ସୂଚନା ମିଳିଛି ।
ପ୍ରବଳ ବର୍ଷା ଯୋଗୁଁ ସୃଷ୍ଟି ହୋଇଛି ବନ୍ୟା ପରିସ୍ଥିତି । ରାସ୍ତା ଉପରେ ନଦୀ ଜଳ ପ୍ରବାହିତ ହେଉଛି । ସେହିପରି ପବନର ବେଗ ଅଧିକ ଥିବାରୁ କେଉଁଠି ବିଦ୍ୟୁତ୍ ତାର ଛିଡି ରାସ୍ତାରେ ପଡିଛି ତ ଆଉ କେଉଁଠି ବଡ ବଡ ଗଛ ଉପୁଡି ପଡିଛି । ଫଳରେ ଜନଜୀବନ ଅସ୍ତବ୍ୟସ୍ତ ହେବା ସହ ଯୋଗାଯୋଗ ସମ୍ପୂର୍ଣ୍ଣ ଠପ ହୋଇ ପଡିଛି ।
