ନୂଆପଡା (ଏଟିଆର ବ୍ୟୁରୋ): ନବରାତ୍ରୀ ଅବସରରେ ରାଜ୍ୟର ବିଭିନ୍ନ ସହର ଉତ୍ସବ ମୁଖର ହୋଇପଡିଥିବା ବେଳେ ସାମ୍ନାକୁ ଆସିଛି ଏକ ଦୁଃଖଦ ଘଟଣା । ଏକ ସଡକ ଦୁର୍ଘଟଣାରେ ଚାଲିଯାଇଛି ୧୦ଟି ମୂଲ୍ୟବାନ ଜୀବନ । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି । ଏଭଳି ଏକ ଅଭାବନୀୟ ଘଟଣା ନୂଆପଡାରେ ଘଟିଛି ।
ଖବରମୁତାବକ, ନବରାତ୍ରିରେ ପ୍ରତ୍ୟେକ ଦେବୀ ପୀଠରେ ଭକ୍ତଙ୍କ ଭିଡ ଜମିଛି । ସେହିଭଳି ଛତିିଶଗଡର ପିଠୋର ଅଞ୍ଚଳର କିଛି ଭକ୍ତ ମା’ ବୈଷ୍ଣୋଦେବୀଙ୍କୁ ଦର୍ଶନ କରିବା ଲାଗି ଏକ ବୋଲେରୋ ଯୋଗେ ନୂଆପଡା ଯାଇଥିଲେ । ସେଠାରେ ମା’ଙ୍କୁ ଦର୍ଶନ କରି ଫେରିବା ବେଳକୁ ଏକ ଟ୍ରକଟି ବୋଲେରୋକୁ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ବୋଲେରୋରେ ଥିବା ସମସ୍ତ ଯାତ୍ରୀଙ୍କ ମୃତ୍ୟୁ ଘଟିଛି । ମୃତକଙ୍କ ମଧ୍ୟରୁ ୬ ଜଣ ପୁରୁଷ ଏବଂ ୪ ଜଣ ମହିଳା ଥିବା ଜଣାପଡିଛି । ଘଟଣାରେ ବୋଲେରୋଟି ସମ୍ପୂର୍ଣ୍ଣ ଚୂରମାର ହୋଇଯାଇଥିବା ବେଳେ ପୋଲିସ ପହଁଚି ତଦନ୍ତ ଆରମ୍ଭ କରିଛି ।
