ଖୋର୍ଦ୍ଧା (ଏଟିଆର ବ୍ୟୁରୋ) ; ଆଜି ସକାଳୁ ସ୍ଥାନୀୟ ନିରାକାରପୁର ପୁରୁଣା ଥାନା ନିକଟରୁ ଅଧମରା ଅବସ୍ଥାରେ ନିରାକାର ଥାନା ପୋଲିସ ଏକ ଅଜଣା ମହିଳାଙ୍କୁ ଉଦ୍ଧାର କରିଥିଲା । ପରେ ପୋଲିସ ଏହି ଯୁବତୀଙ୍କୁ ଗୁରୁତର ଅବସ୍ଥାରେ ନେଇଯାଇଥିଲା ଖୋର୍ଦ୍ଧା ଜିଲ୍ଳା ମୁଖ୍ୟ ଚିକିତ୍ସାଳୟକୁ । କିନ୍ତୁ ପୋଲିସର ପରିଶ୍ରମ ଏବଂ ଡାକ୍ତର ଚେଷ୍ଠା ବିଫଳ ହୋଇଯାଇଥିଲା । ଶେଷରେ ଯୁବତୀ ଜଣଙ୍କ ଡାକ୍ତରଖାନାରେ ଶେଷ ନିଶ୍ୱାସ ତ୍ୟାଗ କରିଦେଇଥିଲେ ।
ଯୁବତୀଙ୍କ ପରିଚୟ ମିଳିପାରି ନାହିଁ । ପୋଲିସର ପ୍ରାଥମିକ ତଦନ୍ତରୁ ଅନୁମାନ କରୁଛି କି ଯୁବତୀଙ୍କୁ କେହି ହତ୍ୟା କରି ଏଠାରେ ପକେଇ ଦେଇ ଚାଲିଯାଇଛି । ତେବେ ପୋଲିସ ତଦନ୍ତ ଜାରି ରଖିଛି । ଖୁବ ଶୀଘ୍ର ହତ୍ୟାକାରୀକୁ ଧରିବା ସହ ଆଇନ ଅନୁଯାୟୀ ଦଣ୍ଡ ବିଧାନ କରାଯିବ ବୋଲି ପ୍ରକାଶ କରିଛି ।
