ଅନୁଗୁଳ,(ଏଟିଆର ବ୍ୟୁରୋ): ନାକେଦମ କଳାଣି ବାଘୁଣୀ ସୁନ୍ଦରୀ । ଯେତେ ଯାହା କଲେ ବି ଧରା ଦେଉନି । ସିଧା କହିବାକୁ ଗଲେ ବନ ବିଭାଗ ସହ ଏବେ ସୁନ୍ଦରୀ ଲୁଚକାଳୀ ଖେଳ ଖେଳୁଛି । ସୁନ୍ଦରୀକୁ ଧରିବା ନେଇ ଦିନ ତମାମ ତା’ ଉପରେ ନଜର ରଖାଯାଇଥିଲେ ମଧ୍ୟ ରାତିରେ ଚକମା ଦେଇ ଖସି ଯାଇଛି ସେ । ଫଳରେ ବନ ବିଭାଗ ଏକ ପ୍ରକାର ନିରାଶ ହୋଇଛି ।
ଜିପିଏସ ଟ୍ରାକିଂ ସୂଚନା ଆଧାରରେ କୁମୁରୀ ଓ ବାଘମୁଣ୍ଡା ଅଞ୍ଚଳରେ ଚକ୍କର କାଟୁଥିଲା ସୁନ୍ଦରୀ । ଏହି ସୂଚନା ପାଇବା ପରେ ବନ ବିଭାଗ ଟ୍ରାଙ୍କୁଲାଇଜର ଜରିଆରେ ତାକୁ ଧରିବା ପାଇଁ ଅଣ୍ଟା ଭିଡିଥିଲା । ରାତି ତମାମ ଅପପରେସନ ମଧ୍ୟ ଆରମ୍ଭ ହୋଇଥିଲା । ତେବେ ଫଳଘର କିନ୍ତୁ ଶୂନ । ବନବିଭାଗର ସବୁ ପରିଶ୍ରମ ବୃଥା ଯାଇଛି । ସୁନ୍ଦରୀର ଆଉ ଆତ୍ତାପତ୍ତା ମିଳୁନାହିଁ । ମଣିଷ ମାରିବା ଅଭିଯୋଗରେ ସୁନ୍ଦରୀକୁ ଧରିବା ନେଇ ଆରମ୍ଭ ହୋଇଥିଲା ଅପରେସନ ।
୨ପ୍ଲାଟୁନ ଫୋର୍ସ ସହ ଗଛରେ ମଞ୍ଚା ବାନ୍ଧି ଛକି ବସିଥିଲା ବନବିଭାଗ । ହେଲେ ଅସଲ ବେଳକୁ ସବୁ ଫୁସ । ବନବିଭାଗକୁ ଚକମା ଦେଇ ଚମ୍ପଟ ମାରିଛି ସୁନ୍ଦରୀ ।
