ଗଞ୍ଜାମ (ଏଟିଆର ବ୍ୟୁରୋ ) ; ଭଣଜାକୁ ଗୁଳି କଲେ ଅଜା ଓ ମାମୁଁ । ପାରିବାରିକ କଳହକୁ କେନ୍ଦ୍ରକରି ଏପରି ଗୁଳିକାଣ୍ଡ ଘଟିଛି । ସମ୍ପର୍କୀୟ ଅଜା ଓ ମାମୁଁଙ୍କ ମିଳିତ ଗୁଳିମାଡର ଶିକାର ହୋଇଛନ୍ତି ଭଣଜା । ଏଭଳି ଅଭାବନୀୟ ଘଟଣା ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ କ. ନୂଆଗାଁ ଥାନା ଦାମୋଦରପୁରରେ ଘଟିଛି । ଗୁଳିମାଡର ଶିକାର ହୋଇଥିବା ଭଣଜାଙ୍କ ନାମ ସନାତନ ମଲ୍ଲିକ ବୋଲି ଜଣାପଡିଛି ।
ସେ ଗତ ଶୁକ୍ରବାର ଦିନ ବିଳମ୍ବିତ ରାତ୍ରୀରେ ପାଖ ଘରେ ରହୁଥିବା ସମ୍ପର୍କୀୟ ଅଜାଙ୍କ ଘରକୁ ଯାଇଥିଲେ । ସେଠାରେ କୌଣସି କାରଣରୁ ମାମୁଁ ଭଣଜାଙ୍କ ମଧ୍ୟରେ ଝଗଡା ହୋଇଥିଲା । ଏଥିରେ ମାମୁଁ ଓ ଅଜା ଉତକ୍ଷୀପ୍ତ ହୋଇ ତାଙ୍କ ଉପରେ ଗୁଳିମାଡ କରିଥିବା ଅଭିଯୋଗ କରିଛନ୍ତି ସନାତନ । ସେପଟେ ଗୁରୁତର ଅବସ୍ତାରେ ସନାତନଙ୍କୁ ବ୍ରହ୍ମପୁର ମେଡିକାଲରେ ଭର୍ତ୍ତି କରାଯାଇଛି । ତାଙ୍କ ସ୍ୱାସ୍ଥ୍ୟବସ୍ତା ଏବେ ଭଲ ଥିବା ଜଣା ପଡିଛି । ଏନେଇ ଥାନାରେ ମାମଲା ରୁଜୁ ହୋଇଥିବା ବେଳେ ପୋଲିସ ତଦନ୍ତ ଆରମ୍ଭ କରିଛି । ସେପଟେ ଅଭିଯୁକ୍ତ ମାମୁଁ ଓ ଅଜା ଫେରାର ଥିବା ଜଣାପଡିଛି ।
