କଟକ (ଏଟିଆର ବ୍ୟୁରୋ) ; ଦିନକୁ ଦି ବଢ଼ି ଚାଲିଛି ଯୈାନ କାରବାର । ଦେହ ବ୍ୟବସାୟୀ ମାନେ ପୋଲିସ ଆଖିରେ ଧୂଳି ଦେବା ପାଇଁ ଅଜବ ଅଜବ ଜାଗାରେ ଚଳାଇଥାନ୍ତି ସେମାନଙ୍କ ବେପାର । ତେବେ ଏଭଳି ଏକ ଦୃଶ୍ୟ ନଜରକୁ ଆସିଛି । ଏକ ନିଆରା ଜାଗାରେ ବହୁଦିନ ଧରି ଚାଲିଥିଲା ବେପାର । ତେବେ ଆଜି ଏହି ଘଟଣା ପର୍ଦ୍ଦାଫାସ କରିଛି ପୋଲିସ । ସୂଚନା ମୁତାବକ କଟକ ଚୈାଦାର ଥାନା ଅନ୍ତର୍ଗତ ବିରୁପା ନଦୀ କୂଳରେ ମଣ୍ଡାପଡା ଫାର୍ମ ହାଉସରେ ବହୁ ଦିନ ଚାଲିଥିଲା ଦେହ ବେପାର । ତେବେ ଏହି ଘଟଣା ପୋଲିସ ପାଖରେ ପହଁଞ୍ଚିବା ପରେ ଫାର୍ମ ହାଉସରେ ଚଢ଼ାଉ କଲା ପୋଲିସ ।
ପୋଲିସ ଫାର୍ମ ହାଉସର କେୟାର ଟେକରଙ୍କ ସହ ଜଣେ ଯୁବତୀ ଏବଂ କାମନା ଆଶାରେ ଯାଇଥିବା ଦୁଇ ଜଣ ଯୁବକଙ୍କୁ ଗିରଫ କରିଛି । ଏଥି ସହ ତିନୋଟି ମଟର ସାଇକେଲ ଜବତ କରିଛି ପୋଲିସ । ଗିରଫ ହୋଇଥିବା ଯୁବକଙ୍କ ସହ ଆସିଥିବା ଅନ୍ୟ ଜଣେ ଯୁବକ ପାଖରେ ଥିବା ନଦୀକୁ ଡେଇଁ ଫେରାର ହୋଇଯାଇଛି । ଫେରାର ଯୁବକକୁ ଖୋଜିବା ପାଇଁ ପୋଲିସ ତନାଘନା କରିଦେଇଛି ।
