ଯାଜପୁର (ଏଟିଆର ବ୍ୟୁରୋ) ; ଚୋରକୁ ଉତ୍ତମ ମଧ୍ୟମ ଦେଲେ ଉତ୍ୟକ୍ତ ଲୋକ । କାଳେ ଖସି ପଳେଇବ ଏଣୁ ଲୋକ ଚୋରକୁ ଗଛରେ ବାନ୍ଧି ଦେଇଥିଲେ । ତେବେ ଲୋକଙ୍କ ଛେଚାକୁଟା ମାଡରେ ଆହତ ହୋଇଛି ଲୁଟେରା । ଏଭଳି ଏକ ଘଟଣା ଘଟିଛି ଯାଜପୁର ଥାନା ଅଧିନସ୍ଥ କପାସିଆ ଛକ ନିକଟରେ । ସୂଚନା ମୁତାବକ ଜଣେ ଗର୍ଭବତୀ ମହିଳାଙ୍କୁ ନେଇ ତାଙ୍କ ସ୍ୱାମୀ ମେଡିକାଲରୁ ଫେରୁଥିବା ବେଳେ ଏକାଟିଆ ଦେଖି ସେମାନଙ୍କୁ ଲୁଟେରା ଜଣଙ୍କ ପିଛା କରିଥିଲା । ତେବେ ବାଟରେ ଏକୁଟିଆ ଜାଗାରେ ସ୍ୱାମୀ ସ୍ତ୍ରୀଙ୍କ ଉପରକୁ ଆକ୍ରମଣ କରି ଚେନକୁ ଲୁଟିବା ପାଇଁ ଚେଷ୍ଟା କରିଥିଲା ଲୁଟେରା । ତେବେ ଏହି ଆକ୍ରମଣରେ ଗାଡିରେ ଖସି ପଡିଥିଲେ ଉଭୟ ଦମ୍ପତି ।
ଲୁଟେରାଟି ଚେନ ନେଇ ଖସି ପଳଉଥିବା ବେଳେ ଧରି ପକେଇଥିଲେ ସ୍ଥାନୀୟ ଲୋକ । ଏହା ପରେ ଉତ୍ୟକ୍ତ ଲୋକ ମାନେ ଏହି ଚୋରକୁ ଗଛରେ ବାନ୍ଧି ମାଡ ମାରିଥିଲେ । କେବଳ ମାଡ ନୁହେଁ ଉତ୍ୟକ୍ତ ଲୋକ ଲୁଟେରାର ବାଇକକୁ ମଧ୍ୟ ପୋଡିଦେଇଥିଲେ ।
ଗାଡିରୁ ପଡି ଆହତ ହୋଇଥିବା ସ୍ୱାମୀ ସ୍ତ୍ରୀଙ୍କୁ ଡାକ୍ତରଖାନରେ ଭତ୍ତି କରିଥିଲେ ସ୍ଥାନୀୟ ଲୋକ । ପରେ ପୋଲିସ ଖବର ପାଇ ଆସିବା ପରେ ଲୋକଙ୍କ କବଳରୁ ଲୁଟେରାକୁ ଉଦ୍ଦାର କରି ଗିରଫ କରିଛି ।
