କୋଲକାତା (ଏଟିଆର ବ୍ୟୁରୋ) ; ଭାରତ ୱେଷ୍ଟଇଣ୍ଡିଜ ମଧ୍ୟରେ ଆଜି ଅନୁଷ୍ଟିତ ହେବାକୁ ଥିବା ଟି-୨୦ ସିରିଜରେ ବିରାଟଙ୍କ ଜାଗାରେ ରୋହିତ । ୩ଟି କିଆ ଟି-୨୦ ସିରିଜର ଅଧିନାୟକ ପଦରେ ରୋହିତ ଦଳର ଭାର ସମ୍ଭାଳିବେ । ଆଜି କୋଲକାତାର ଇଡେନ ଗାଡେନରେ ପ୍ରଥମ ମ୍ୟାଚ ଖେଳାଯିବ । ମ୍ୟାଚରେ କଡାଟକ୍କର ଦେଖିବାକୁ ମିଳିବ । କାରଣ ଟି-୨୦ରେ ସବୁବେଳେ ଭ୍ରମଣକାରୀ ୱେଷ୍ଟଇଣ୍ଡିଜ ନିଜର ସ୍ଥିତି ଜାହିର କରିଥାଏ । ଦଳର ଏହି ଫର୍ମାଟରେ ଭଲ ରେକର୍ଡ ରହିଛି । ମାତ୍ର ଟେଷ୍ଟ ଏବଂ ଦିନିକିଆ ସିରିଜ ହାତେଇବା ପରେ ଭାରତୀୟ ଖେଳାଳିଙ୍କ ମନରେ ପ୍ରବଳ ଉତ୍ସାହ ରହିଛି ଏବଂ ଦଳର ଖେଳାଳିମାନେ ଭଲ ଫର୍ମରେ ଅଛନ୍ତି ଫଳରେ ଦୁଇ ଦଳ ମଧ୍ୟରେ କଡାଟକ୍କର ଦେଖିବାକୁ ମିଳିବ । ଆଜିର ଏହି ମ୍ୟାଚ ସଂନ୍ଧ୍ୟା ୭ଟାରେ ଆରମ୍ଭ ହେବ ।
ଭାରତୀୟ ଦଳରେ ନୂଆ ଏବଂ ପୁରୁଣା ଖେଳାଳିଙ୍କୁ ଦେଖିବାକୁ ମିଳିବ । ବିରାଟଙ୍କ ଜାଗାରେ କେଲ ରାହୁଲ ୩ ନମ୍ବରରେ ଆସିବେ ବୋଲି ଦଳ ପକ୍ଷରୁ ସୂଚନା ମିଳିଛି । ସେହିପରି ଆଜିର ମ୍ୟାଚରେ କୁନାଲ ପାଣ୍ଡ୍ୟା ଖେଳିବାର ସମ୍ଭାବନା ରହିଛି । ଭାରତୀୟ ଦଳ ପକ୍ଷରୁ ବୋଲିଂ ଆକ୍ରମଣ କରିବେ ଭୁବନେଶ୍ୱର କୁମାର,ଯଶପ୍ରୀତ ବୁମରା,ଚହଲ,ଖଲିିଲ ଅହମଦଏବଂ କୁଳଦୀପ ଯାଦବ ।
ତେବେ ଇଣ୍ଡେନରେ ଇଣ୍ଡିଜ ଭାରତ ମଧ୍ୟରେ ଖଳାଯାଇଥିବା ୮ଟି ମ୍ୟାଚରୁ ୫ଟି ମ୍ୟାଚ ଜିତିଛି ଭ୍ରମଣକାରୀ ଦଳ । ତେବେ ଏଠାରେ ନିଜର ସ୍ଥିତି ଜାହିର ଥିବାରୁ ଆଜିର ମ୍ୟାଚରେ ଉଭୟ ଦଳ ମଧ୍ୟରେ ଏକ ରୋମାଞ୍ଚକ ମ୍ୟାଚ ହେବ ବୋଲି ଆଶାରଖିଛନ୍ତି କ୍ରିକେଟ ପ୍ରେମୀ ।
