ବ୍ରହ୍ମପୁର (ଏଟିଆର ବ୍ୟୁରୋ) ; ନିଆଁ ! ପୂଜା ଦୋକାନରେ ଅଗ୍ନିକାଣ୍ଡ । ଲକ୍ଷ ଲକ୍ଷ ଟଙ୍କାର ସମ୍ପତ୍ତି ପୋଡି ପାଉଁସ ହୋଇଗଲା । ତେବେ ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଳା ବ୍ରହ୍ମପୁର କମାପଲ୍ଲୀ ଅଞ୍ଚଳରେ । ସୂଚନା ମୁତାବକ ମୁଖ୍ୟ ରାସ୍ତା ନିକଟରେ ଥିବା ଏକ ପୂଜା ଦୋକାନରେ ଅଗ୍ନିକାଣ୍ଡ ହୋଇଛି । ପୂଜା ଦୋକାନରେ ପ୍ରଚୁର ପରିମାଣର ଘିଅଥିବାରୁ ନିଆଁ ଜୋରରେ ଲାଗିଯାଇଥିଲା । ଯାହାକୁ ଦେଖିବା ପରେ ବଜାରର ସବୁ ବେପାରୀ ଏବଂ ସ୍ଥାନୀୟ ଲୋକ ଭୟଭୀତ ହୋଇ ଯାଇଥିଲେ । ପରେ ଦମକଳ ବାହିନୀକୁ ଖବର ଦେବା ପରେ ଘଟଣାସ୍ଥଳରେ ୩ଟି ଦମକଳ ଗାଡି ଆସି ପହଁଞ୍ଚିଥିଲା ।
ପୂଜା ଦୋକାନରେ ଘିଅ ଥିବାରୁ ନିଆଁ ବ୍ୟାପି ଯାଇଥିଲା । ଏଣୁ ଏହାକୁ ଲିଭାଇବାକୁ ୩ଟି ଦମକଳ ବାହିନୀକୁ ୪୫ ମିନିଟ ସମୟ ଲାଗି ଯାଇଥିଲା । ଫଳରେ ଉପସ୍ଥିତ ଥିବା ଲୋକ ମାନେ ପ୍ରବଳ ମାତ୍ରାରେ ଭୟ କରିଯାଇଥିଲେ । ପାଖ ଦୋକାନମାନେ ମଧ୍ୟ ଡରି ଯାଇଥିଲେ । କାଳେ ସେମାନଙ୍କ ଦୋକାନରେ ଏହି ନିଆଁ ବ୍ୟାପିବାର ଭୟ ଥିଲା । ନିଆଁ ଲାଗିଥିବା ଦୋକନୀ କହିଛନ୍ତି ତାଙ୍କ ଦୋକାନରେ ୪ ଲକ୍ଷ ଟଙ୍କାର ଜିନିଷ ଥିଲା । ଯାହାକି ଏବେ ପାଉଁସ ହୋଇଯାଇଛି । ଏହାକୁ ନେଇ ଚିନ୍ତାରେ ଅଛନ୍ତି ବେପାରୀ ।
