ଭୁବନେଶ୍ୱର (ଏଟିଆର ବ୍ୟୁରୋ): ଆଜି ସକାଳୁ ହାୱଡା-ପୁରୀ ଧଉଳି ଏକ୍ସପ୍ରେସର ଏକ ବଗି ଲାଇନଚ୍ୟୁତ୍ ହୋଇଛି । ଏକ୍ସପ୍ରେସଟି ହାୱଡାରୁ ପୁରୀ ଆସୁଥିବା ବେଳେ ଖଡଗପୁର ଭୋଗପୁର-ପାଂସକୁରା ନିକଟରେ ରେଳଧାରଣରୁ ବାହାରି ଯାଇଥିଲା ।
ଏହି ଦୁର୍ଘଟଣାରେ ସମସ୍ତ ଯାତ୍ରୀ ଭୟବୀତ ହୋଇଥିଲେ ମଧ୍ୟ ଏଥିରେ କେହି ମୃତାହତ ହୋଇନଥିବା ରେଳବାଇ ପକ୍ଷରୁ ସୂଚନା ମିଳିଛି । ଏହାସହିତ ବଗିରେ ଥିବା ସମସ୍ତ ଯାତ୍ରୀଙ୍କୁ ସୁରକ୍ଷିତ ଭାବେ ଉଦ୍ଧାର କରାଯିବା ସହିତ ଅନ୍ୟ ବଗିରେ ସେମାନଙ୍କୁ ଆଡଜେଷ୍ଟ କରାଯାଇ ପୁରୀ ଅଭିମୁଖେ ଆସିବାର ବ୍ୟବସ୍ଥା କରାଯାଉଛି ।
ଦୁର୍ଘଟଣା ପରେ ରେଳ ଚଳାଚଳ ବନ୍ଦ ରହିଛି । ଅନ୍ୟପଯେ ରେଳବାଇ ପକ୍ଷରୁ ଯାତ୍ରୀମାନଙ୍କ ପାଇଁ ହେଲ୍ପ ଲାଇନ୍ ନମ୍ବର ଜାରି କରାଯାଇଛି । ୦୬୭୪-୨୪୯୦୬୭୬ ଓ ୮୪୫୫୮୮୭୯୯୯ ଏହି ନମ୍ବରରେ ଯାତ୍ରୀମାନେ ଯୋଗାଯୋଗ କରିପାରିବେ ।
