ଭୁବନେଶ୍ୱର (ଏଟିଆର ବ୍ୟୁରୋ): ଏବେ ହକି ପ୍ରେମୀଙ୍କ ପାଇଁ ଖୁସି ଖବର । ବିନା ଟିକେଟ୍ ରେ ମଧ୍ୟ ଉଦଘାଟନୀ ଉତ୍ସବର ଲାଇଭ୍ ପ୍ରୋଗ୍ରାମ ଦେଖି ପାରିବେ । ସେଥିପାଇଁ ସରକାରଙ୍କ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ସ୍ମାର୍ଟ ସିଟି ଭୁବନେଶ୍ୱରରେ ଥିବା ବଡ ବଡ ମଲ୍ ଏବଂ ଖୋଲା ପଡିଆରେ ଏଲଇଡି ଲାଗିବା ଆରମ୍ଭ ହୋଇଛି । ଯେଉଁଥି ପାଇଁ ୧୨ ଟି ସ୍ଥାନ ଚୟନ କରାଯାଇଛି । ଲୋକେ ଏହି ଏଲଇଡି ମାଧ୍ୟମରେ ଉଦଘାଟନୀ ଉତ୍ସବର ରଙ୍ଗାରଙ୍ଗ କାର୍ଯ୍ୟକ୍ରମକୁ ଉପଭୋଗ କରିପାରିବେ ।
ଏହି ହକି ବିଶ୍ୱକପର ଉଦଘାଟନୀ ଉତ୍ସବରେ ଅନେକ ରଙ୍ଗାରଙ୍ଗ କାର୍ଯ୍ୟକ୍ରମ ମାନ ରହିଛି । ଏଥିରେ ଓସ୍କାର ବିଜେତା ଏ.ଆର ରେହମାନ,କିଙ୍ଗ୍ ଖାନ୍,ମାଧୁରୀ ଦିକ୍ଷୀତ୍ ଏବଂ ବାହୁବଳିର ସୁପରଷ୍ଟାର ପ୍ରଭାସଙ୍କ ସମେତ ଅନେକ କଳାକାର ମାନେ ସାମିଲ ହେବେ ବୋଲି ସୂଚନା ମିଳିଛି ।
ଖବରମୁତାବକ, ଗତକାଲି ହକି ବିଶ୍ୱକପର ଉଦଘାଟନୀ ଉତ୍ସବର ଟିକେଟ୍ ଅନଲାଇନ୍ ରେ ବୁକିଂ ନ ହୋଇପାରିବାରୁ ଦର୍ଶକ ନିରାଶ ହୋଇଯାଇଥିଲେ । ଏହାପରେ ଏହି ଟିକେଟି ବିକ୍ରି ବ୍ୟବସ୍ଥା ସମ୍ପୂର୍ଣ୍ଣ ଫେକ୍ ବୋଲି ଲୋକେ ରାଗିଯାଇ ସରକାରଙ୍କୁ ଦାୟୀ କରିଥିଲେ ।
