ସାଲେପୁର (ଏଟିଆର ବ୍ୟୁରୋ) ; ନିଶ୍ଚିନ୍ତକୋଇଲି ଥାନା ଅନ୍ତର୍ଗତ କଟିକଟା ବଜାରରେ ଗତକାଲି ରାତିରେ ମେଲୋଡି ଚାଲିଥିବା ବେଳେ ହୋଇଥିଲା ଗୁଳିମାଡ । ଏଥିରେ ଦୁଇ ଜଣଙ୍କ ମୃତ୍ୟୁ ହୋଇଥିବା ବେଳେ ୨ଜଣ ଗୁରୁତର ଅବସ୍ଥାରେ କଟକ ବଡ ମେଡିକାଲରେ ଚିକିତ୍ସିତ ହେଉଛନ୍ତି । ମୃତକ ଦ୍ୱୟ ହେଲେ ସେକ ଇମ୍ରାନ ଏବଂ ନିତ୍ୟାନନ୍ଦ ମଲ୍ଲିକ । କଟକ ବଡ ମେଡିକାଲରେ ଚିକିତ୍ସିତ ହେଉଥିବାବେଳେ ଏହି ଦୁଇଜଣଙ୍କ ମୃତ୍ୟୁ ହୋଇଛି । ନିତ୍ୟାନନ୍ଦଙ୍କ ଘର ବନମାଳିପୁର ଗାଁରେ ହୋଇଥିବାବେଳେ ମାହାଙ୍ଗା ଭରତପଡାର ସେକ ଇମ୍ରାନ । ତେବେ ଏଥିରେ ଗୁରୁତର ଆହତ ହୋଇଥିବା ଆହତ ହୋଇଥିବା ଦ୍ୱୟହେଲେ ଉତ୍ତମ ଦାସ ଏବଂ ରଘୁନାଥ ମଲ୍ଲିକ । ଉଭୟଙ୍କ ଘର ଭୋଳ ଗାଁରେ । ଉତ୍ତମଙ୍କ ଅଣ୍ଟା ତଳକୁ ଗୁଳି ବାଜିଥିବା ବେଳେ ରଘୁନାଥଙ୍କ ଜଙ୍ଘରେ ବାଜିଥିବା ଦେଖିବାକୁ ମିଳିଛି ।
ମିଳିଥିବା ସୂଚନା ମୁତାବକ ଗୁଳି ମାରିଥିବା ବ୍ୟକ୍ତି ଏବଂ ସେକଙ୍କ ମଧ୍ୟରେ କୈାଣସି ଏକ କାରଣକୁ ନେଇ ଝଗଡା ହୋଇଥିଲା । ଝଗଡାର କାରଣ ବୁଝିବା ପାଇଁ ଯାଇଥିବା ନିତ୍ୟାନନ୍ଦ,ଉତ୍ତମ ଏବଂ ଅନ୍ୟମାନେ ପଚାରିବାକୁ ଯାଇଥିବା ବେଳେ ସେକ ଗୁଳି ଚଳାଇଥିଲା । ଘଟଣାସ୍ଥଳରେ ଉପସ୍ଥିତ ଥିବା ଲୋକଙ୍କ ଉପରକୁ ଆଖି ବୁଜା ଗୁଳି ଚଳାଇଥିଲେ । ଏହି ଗୁଳିକାଣ୍ଡରେ ଆହତ ହୋଇଥିଲେ ନିତ୍ୟାନନ୍ଦ,ଉତ୍ତମ । ପୋଲିସ ଖବର ପାଇବା ପରେ ଘଟଣାସ୍ଥଳରେ ପହଁଞ୍ଚି ଦୁବୃର୍ତ୍ତଙ୍କୁ ଧରିବା ପାଇଁ ଚେଷ୍ଟା କରୁଥିବା ଗୁଳିକାଣ୍ଡକୁ ଦେଖି ମେଲୋଡି ଦେଖିବା ପାଇଁ ଠିଆ ହୋଇଥିବା ଲୋକ ଇତଃସ୍ତତ ହୋଇ ଦୋଡି ସେଠାରୁ ପଳାଇ ଯାଇଥିଲେ । ଏହାର ଫାଇଦା ନେଇ ଦୁବୃର୍ତ୍ତମାନେ ଫେରାର ହୋଇଯାଇଥିଲେ । ତେବେ ପୋଲିସ ଦୁବୃର୍ତ୍ତଙ୍କୁ ଧରିବା ପାଇଁ ତଦନ୍ତ ଜାରି କରିଛନ୍ତି ।
