ଭୁବନେଶ୍ୱର,(ଏଟିଆର ବ୍ୟୁରୋ): ସାଇଲେଣ୍ଟ ମୋଡରେ ଥିବା ସ୍ପେଶାଲ ସ୍କ୍ୱାଡ ପୁଣି ଏକ ସଫଳତା ହାସଲ କରିଛି । ଲକ୍ଷ୍ମୀସାଗର ଥାନା ପୁଲିସ ସହ ମିଶି ଆରମ୍ଭ କରିଥିବା ଏକ ଜଏଣ୍ଟ ଅପରେସନରେ ୨ଜଣଙ୍କୁ ଗିରଫ କରିବା ସହ ସେମାନଙ୍କ ପାଖରୁ ଏକ ବନ୍ଧୁକ ଜବତ କରିଛି ।
ଢ଼େରଦିନ ହେବ ରାଜଧାନୀରେ ଚୋରା ବନ୍ଧୁକ କାରବାର ହେଉଥିବା ନେଇ ସୂଚନା ମିଳିବା ପରେ ଆକ୍ଟିଭ ମୁଡକୁ ଆସିଥିଲା ସ୍ପେଶାଲ ସ୍କ୍ୱାଡ । ଖବର ମିଳିଥିଲା ବିହାରର ମୁଙ୍ଗର ଅଞ୍ଚଳରୁ ଏହି ବନ୍ଧୁକ କାରବାର ହେଉଛି । ତେଣୁ ଏହା ଉପରେ ଲଗାମ ଲଗାଇବା ଲାଗି ସ୍ପେଶାଲ ଟିମ ଜାଲ ବିଛାଇଥିଲା । ତେବେ ଏନେଇ ସୂଚନା ମିଳିବା ପରେ ଅଚାନକ ଲକ୍ଷ୍ମୀସାଗର ଥାନା ଅନ୍ତର୍ଗତ ବୁଦ୍ଧନଗରରେ ପୁଲିସ ଅଚାନକ ରେଡ ମାରିଥିଲା ।
ରେଡ ସମୟରେ ପୁଲିସ ହାବୁଡରେ ପଡିଥିବା ଅଭଯୁକ୍ତ ଦ୍ୱୟ ହେଲେ ଅଜିତ କୁମାର ମହାପାତ୍ର ଇ ସୁଜିତ କୁମାର ଦାସ । ଉଭୟଙ୍କ ପାଖରୁ ଏକ ବନ୍ଧୁକ ଓ ଗୁଳି ଜବତ ହୋଇଛି । ଅଜିତର ଘର ସାମନ୍ତରାପୁର ହୋଇଥିବା ବେଳେ ସୁଜିତ ଘର ବିହାରରେ ବୋଲି ସୂଚନା ମିଳିଛି ।
