କଟକ (ଏଟିଆର ବ୍ୟୁରୋ) ; ବହୁ ଚର୍ଚ୍ଚିତ ଐତିହାସିକ ବାଲିଯାତ୍ରାର ଆଜି ହେଉଛି ଶେଷ ଦିନ । ଦୀର୍ଘ ଦଶଦିନ ଧରି କଟକ ମହାନଦୀ ଉପକୂଳରେ ଚାଲିଥିବା ଏହି ପର୍ବ ଶେଷରେ ପହଁଞ୍ଚିଛି । ଦଶଦିନ ଧରି ଲୋକମାନେ ଯାତ୍ରାର ଖବ୍ ମଜା ଉଠାଇଛନ୍ତି । ଏହି ଯାତ୍ରା ସରିଆସୁଥିବାରୁ ଦର୍ଶକମାନେ ଘରୋଇ ଉପକରଣ କିଣିବା ପାଇଁ ଆଜି ସନ୍ଧ୍ୟାରେ ପ୍ରବଳ ଭିଡ ଜମିବ । ପୂର୍ବରୁ ଏହା ୭ଦିନ ହେଉଥିବା ବେଳେ ଏଥରକ ୧୦ଦିନ ହୋଇଛି ତେବେ ତିନିଦିନ ବଢ଼ିଥିଲେ ମଧ୍ୟ ଲୋକଙ୍କ ମନ ଭରିନି । ରାଜ୍ୟର କୋଣ ଅନୁକୋଣରୁ ଏଠାକୁ ଲୋକଙ୍କ ଭିଡ ଛୁଟିଥିଲା । ବାଲିଯାତ୍ରାରେ ପଡିଥିବା ଷ୍ଟଲ ଦେଖିବା ପାଇଁ ଭିଡ ଲାଗିଥାଏ । ସେପଟେ ସୁସ୍ୱାଦୁ ଖାଦ୍ୟ ସାଙ୍ଗକୁ ଦୋଳିମଜା ନେଉଛନ୍ତି ଦର୍ଶକ ।
