ପୁଞ୍ଚ (ଏଟିଆର ବ୍ୟୁରୋ): ଗତ କିଛି ଦିନ ହେବ ଲଗାତର ଭାବେ ବସ୍ ଦୁର୍ଘଟଣା ଘଟି ଚାଲିଛି । ସେ ରାଜ୍ୟ ହେଉ ଅବା ରାଜ୍ୟ ବାହାରେ । ଯେଉଁଥି ପାଇଁ ଲୋକେ ଭୟରେ ଛାନିଆ ହୋଇ ପଡିଛନ୍ତି । ଏବେ ପୁଣି ଏକ ବସ୍ ଦୁର୍ଘଟଣା ଖବର ସାମ୍ନାକୁ ଆସିଛି । ଆଜି ସକାଳୁ ଜମ୍ମୁ କାଶ୍ମୀରର ପୁଞ୍ଚଠାରେ ଏହି ଦୁର୍ଘଟଣା ଘଟିଛି । ବସ୍ ଟି ପୁଞ୍ଚରୁ ମଣ୍ଡି ଯାଉଥିବା ବେଳେ ଅଚାନକ୍ ଖାଇ ରେ ଖସି ପଡିଥିଲା । ଏହି ଦୁର୍ଘଟଣାରେ ୨୩ ଜଣ ମୃତ୍ୟୁ ବରଣ କରିଥିବା ବେଳେ ୭ ଜଣ ଗୁରୁତର ଭାବେ ଆହତ ହୋଇଛନ୍ତି ।
ରିପୋର୍ଟ ମୁତାବକ, ଜେକେ୦୨ଡବଲ୍ୟୁ୦୪୪୫ ନମ୍ବରର ଯାତ୍ରୀବାହି ବସ୍ ଟି ପୁଞ୍ଚ ଯିବା ରାସ୍ତାରେ ଦୁର୍ଘଟଣା ଘଟିଛି । ଡ୍ରାଇଭର ଜଣକ ଭାରସାମ୍ୟ ହରାଇ ଥିବାରୁ ବସ୍ ଟି ଖାଇ ମଧ୍ୟକୁ ଖସି ପଡିଥିଲା । ଖବର ପ୍ରସାରିତ ହେବା ପରେ ତୁରନ୍ତ ପୋଲିସ ଘଟଣାସ୍ଥଳରେ ପହଁଚି ସମସ୍ତ ଯାତ୍ରୀଙ୍କୁ ଉଦ୍ଧାର କରିବା ସହ ଘଟଣାରେ ତଦନ୍ତ ଆରମ୍ଭ କରିଛି । ଏଥିରେ ୨୩ ଜଣ ମୃତ୍ୟୁ ବରଣ କରିଥିବା ବେଳେ ୭ ଜଣ ଗୁରୁତର ହୋଇପଡିଛନ୍ତି । ଆହତଙ୍କୁ ଗୁରୁତର ଅବସ୍ଥାରେ ମଣ୍ଡି ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
