ଭୁବନେଶ୍ୱର (ଏଟିଆର ବ୍ୟୁରୋ); ୟୂନିଟ -୮ରେ ଥିବା ପଦ୍ମିନୀ କିଡ୍ସ କେୟାରର ବାର୍ଷିକ ଉତ୍ସବ ପାଳିତ ହୋଇଯାଇଛି । ତେବେ ଏହି ଉତ୍ସବ ବିଦ୍ୟାଳୟରେ ପାଳନ ନକରି ରଙ୍ଗାରଙ୍ଗ ଏବଂ ନୂଆ ଢ଼ଙ୍ଗରେ କରିବା ଉଦେ୍ଧଶ୍ୟରେ ବିଦ୍ୟାଳୟ କତ୍ତୃପକ୍ଷ ଏହାକୁ ଜୟଦେବ ଭବରେ ଆୟୋଜନ କରିଛନ୍ତି । ଏହି ଉତ୍ସବରେ ବିଦ୍ୟାଳୟର ସମସ୍ତ ଛାତ୍ର ଛାତ୍ରୀ,ଗୁରୁଜୀ ଗୁରୁମା ଏବଂ ଅଭିଭାବକମାନେ ଯୋଗ ଦେଇଥିଲେ । ଛୋଟ ଛୋଟ ଶିଶୁମାନଙ୍କୁ ପିଲାଦିନରୁ ପାଠ ପଢ଼ିବା ସହ ଖେଳକୁଦ ପ୍ରତି ଆଗ୍ରହ ବଢ଼ାଇବା ଏହି ଉତ୍ସବର ମୂଳ ଲକ୍ଷ ବୋଲି କହିଛନ୍ତି ବିଦ୍ୟାଳୟ କତ୍ତୃପକ୍ଷ ।
ବିଦ୍ୟାଳୟରେ ଆୟୋଜିତ ହୋଇଥିବା ବିଭିନ୍ନ ପ୍ରତିଯୋଗିତାରେ କୃତି ପ୍ରତିଯୋଗୀମାନଙ୍କୁ ପୁରଷ୍କାର ପ୍ରଦାନ କରାଯାଇଥିଲା । ବିଦ୍ୟାଳୟର ଗୁରୁଜୀ ଏବଂ ଗୁରୁ ମାଙ୍କ ଗହଣରେ ଏହା ପ୍ରଦାନ କରାଯାଇଥିଲା । ପୁରଷ୍କାର ପାଇଥିବା କୃତି ପ୍ରତିଯୋଗୀମାନେ ଖୁସି ହେବା ସହ ଆଗକୁ ବଢ଼ିବା ପାଇଁ ମନୋବଳ ଦୃଢ଼ ହୋଇଥିବା ଅଭିଭାବକ ଏବଂ ପିଲାମାନେ କହିଛନ୍ତି । ପୁରଷ୍କାର ପ୍ରଦାନ ସହ ଏଠାରେ ମଞ୍ଚରେ ପିଲାମାନେ ନୃତ୍ୟ ପ୍ରଦର୍ଶନ ଏବଂ କଳା ପ୍ରଦର୍ଶନ କରିଥିବା ଦେଖିବାକୁ ମିଳିଛି । ଏହାକୁ ସମସ୍ତେ ମନଭରି ଉପଭୋଗ କରିଥିଲେ ।
