ଭୁବନେଶ୍ୱର (ଏଟିଆର ବ୍ୟୁରୋ); ସ୍ଥାନୀୟ କଳିଙ୍ଗ ଷ୍ଟାଡିୟମରେ ଚାଲିଥିବା ବହୁଚର୍ଚ୍ଚିତ ବିଶ୍ୱକପ ହକିରେ ଆଜିଠାରୁ ଆରମ୍ଭ ହେବାକୁ ଯାଉଛି କ୍ୱାଟର ଫାଇନାଲ ମ୍ୟାଚ । ପ୍ରଥମ କ୍ୱାଟରରେ ମୁହାଁମୁହିଁ ହେବାକୁ ଯାଉଛନ୍ତି ଦୁଇ ଶକ୍ତିଶାଳି ଦେଶ ଆର୍ଜେଣ୍ଟିନା ଏବଂ ଇଂଲଣ୍ଡ । ଏହି ମ୍ୟାଚଟି ସନ୍ଧ୍ୟା ୫ଟାରେ ଖେଳାଯିବ । ଦ୍ୱିତୀୟ କ୍ୱାଟର ଫାଇନାଲରେ ଭେଟାଭେଟି ହେବେ ଅଷ୍ଟ୍ରେଲିଆ ଏବଂ ଫ୍ରାନ୍ସ । ଏହି ମ୍ୟାଚଟି ୭ଟାରେ ଆରମ୍ଭ ହେବ ।
ଆସନ୍ତା କାଲି ରହିଛି ଏକ ଗୁରୁତ୍ୱପୂର୍ଣ୍ଣ ମ୍ୟାଚ । ଭାରତ ତାର ପ୍ରତିଦ୍ୱନ୍ଦି ଭାବରେ ନେଦରଲ୍ୟାଣ୍ଡକୁ ଭେଟିବ । ଏଣୁ ଏହି ମ୍ୟାଚ ଦେଖିବା ପାଇଁ ଦର୍ଶକଙ୍କ ମନରେ ଉକ୍ରଣ୍ଠା ଭରିରହିଛି । ତେବେ ଭାରତ ଲିଗ ମ୍ୟାଚରେ ଭଲ ଖେଳ ପ୍ରଦର୍ଶନ କରି ପୁଲ ସି ଗ୍ରୁପରେ ଉପରେ ରହି ପ୍ରଥମ ଦଳ ଭାବରେ କ୍ୱାଟର ଫାଇନାଲ ପାଇଁ ସ୍ଥାନ ପକ୍କା କରିଥିବା ବେଳେ ଗତକାଲି ଶେଷ ଲିଗ ମ୍ୟାଚରେ କାନାଡାକୁ ହରାଇବା ପରେ କ୍ୱାଟର ଫାଇନାଲ ଖେଳିବା ପାଇଁ ଯୋଗ୍ୟ ହୋଇଛି ନେଦରଲ୍ୟାଣ୍ଡ ।
