ଭୁବନେଶ୍ୱର (ଏଟିଆର ବ୍ୟୁରୋ): ଆସନ୍ତା ମାର୍ଚ୍ଚ ୭ରେ ରାଜ୍ୟର ସମସ୍ତ କଲେଜରେ ଆରମ୍ଭ ହେବାକୁ ଯାଉଛି ଯୁକ୍ତ ଦୁଇ ପରୀକ୍ଷା । ପ୍ରଥମ ଦିନରେ ବିଜ୍ଞାନ ଏବଂ ବାଣିଜ୍ୟ ବିଭାଗର ଛାତ୍ରଛାତ୍ରୀମାନେ ପରୀକ୍ଷା ଦେବେ । ସେହିଭଳି ଦ୍ୱିତୀୟ ଦିନ ମାନେ ଆଠ ତାରିଖରେ କଳା ବିଭାଗର ଛାତ୍ରଛାତ୍ରୀଙ୍କ ପରୀକ୍ଷା ରହିଛି । ଏନେଇ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ପ୍ରକାଶ ପାଇଛି ।
ମାର୍ଚ୍ଚ ୭ରୁ ଏହି ଥିଓରୀ ପରୀକ୍ଷା ଆରମ୍ଭ ହୋଇ ମାର୍ଚ୍ଚ ୩୦ ଯାଏଁ ଚାଲିବ । ଥିଓରୀ ପରୀକ୍ଷା ପୂର୍ବରୁ ଜାନୁୟାରୀ ୨୮ରୁ ଫେବୃୟାର ୮ ଯାଏଁ ସମସ୍ତ ପ୍ରାକ୍ଟିକାଲ ଏବଂ ପ୍ରୋଜେକ୍ଟ ପରୀକ୍ଷା ଶେଷ ହେବ ବୋଲି ଜାଣିବାକୁ ମିଳିଛି ।
