ତେଲକୋଇ,(ଏଟିଆର ବ୍ୟୁରୋ): ଏମିତି ବି ମୃତ୍ୟୁ ଆସେ । ଖେଳୁ ଖେଳୁ ଜୀବନ ଚାଲିଯାଏ । ଏଭଳି ଏକ ଅଭାବନୀୟ ଘଟଣା ଘଟିଛି ତେଲକୋଇ ଅଞ୍ଚଳରେ । ଯାହା ପୂରା ଅଞ୍ଚଳକୁ ଏବେ ସ୍ତବ୍ଧ କରି ଦେଇଛି । ୨ଟି ଶିଶୁ ଜୀବନ୍ତ ଦଗ୍ଧ ହୋଇଯାଇଛନ୍ତି । ଘଟଣାକୁ ନେଇ ପୂରା ଅଞ୍ଚଳରେ ଏବେ ଶୋକାକୂଳ ପରିବେଶ ସୃଷ୍ଟି କରିଛି ।
ନୟାକୋଟ ଥାନା ଅଡାଳ ମୁଣ୍ଡାସାହିରେ ଘଟିଛି ଏମିତି ଛାତି ଥରାଇ ଦେବା ଭଳି ଘଟଣା । ମିଳିଥିବା ରିପୋର୍ଟ ଅନୁସାରେ, ଗାଁରେ ଥିବା ଏକ ଘୁଷୁରି ଗୁହାଳରେ ହିଁ କୌଣସି କାରଣବସତଃ ନିଆଁ ଲାଗିଯାଇଥିଲା । ତେବେ ନିଆଁ ଲାଗିବା ପୂର୍ବରୁ ସେହି ଗୁହାଳରେ ୨ଜଣ ଶିଶୁ ଖେଳୁଥିଲେ ।
ଅଚାନକ ନିଆଁ ଲାଗିବା ଫଳରେ ସେମାନେ ଆଉ ବାହାରକୁ ଆସିପାରିନଥିଲେ । ଗୁହାଳରେ ହିଁ ସେମାନେ ଜୀବନ୍ତ ଦଗ୍ଧ ହୋଇଯାଇଥିବା ଖବର ମିଳିଛି । ଖବର ପାଇ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଥିବା ବେଳେ ଏଭଳି ଅଘଟଣ ଏବେ ସମସ୍ତଙ୍କ ଆଖିôରେ ଲୁହ ଭରି ଦେଇଛି ।
