ନୂଆଦିଲ୍ଲୀ (ଏଟିଆର ବ୍ୟୁରୋ): ସର୍ବଦା ଭିନ୍ନ ଭିନ୍ନ ବୟାନ ଦେଇ ଚର୍ଚ୍ଚାରେ ରହୁଥିବା କେନ୍ଦ୍ର ମନ୍ତ୍ରୀ ନିତୀନ ଗଡକରୀ ଏବେ ପୁଣି ଏକ ବୟାନ ଦେଇ ଚର୍ଚ୍ଚା ଘେରରେ । ସେ ପୂର୍ବତମ ପ୍ରଧାନମନ୍ତ୍ରୀ ଜବାହାରଲାଲ ନେହରୁଙ୍କ ପ୍ରଶଂସା କରି ତାଙ୍କର ଭାଷଣ ବିଷୟରେ କହିଛନ୍ତି ।
ଏକ କାର୍ଯ୍ୟକ୍ରମ ଜରିଆରେ କେନ୍ଦ୍ର ମନ୍ତ୍ରୀ କହିଛନ୍ତି କି, ‘ସିଷ୍ଟମ ସୁଧାରିବା ପାଇଁ ନିଜ ଆଡକୁ ଇଶାରା ନକରି, ଅନ୍ୟ ଆଡକୁ କାହିଁକି ଅଙ୍ଗୁଳି ଉଠାଉଛ’ । ଜବାହାରଲାଲ ନେହରୁ କହିଥିଲେ କି ‘ଇଣ୍ଡିଆ ଇଜ ନଟ୍ ଏ ନେସନ୍, ଇଟ୍ ଇଜ୍ ଏ ପପୁଲେସନ’ । ଏହି ଦେଶର ପ୍ରତ୍ୟେକ ବ୍ୟକ୍ତି ଦେଶ ପାଇଁ ପ୍ରଶ୍ନ ଓ ସମସ୍ୟା, ମୋତେ ବି ତାଙ୍କ ଭାଷଣ ବହୁତ ଭଲ ଲାଗେ । କେବଳ ଏତିକି କରି ପାରିବି ଯେ ଦେଶ ଆଗରେ ସମସ୍ୟା ହେବି ନାହିଁ ।
ନେହରୁଙ୍କ ପ୍ରଶଂସା କରିଥିବା ଏହି ବୟାନ ପରେ ସୋସିଆଲ ମିଡିଆରେ ଭିନ୍ନ ଭିନ୍ନ ପ୍ରତିକ୍ରିୟା ଆସୁଛି । ପୂର୍ବରୁ ବି ଏକ ବୟାନ ପାଇଁ ଗଡକରୀଙ୍କୁ କଥା ବଦଳାଇବାକୁ ପଡିଥିଲା । ନିକଟରେ ସେ କହିଥିଲେ କି ଯଦି ସେ ଦଳର ଅଧ୍ୟକ୍ଷ ଅଛନ୍ତି କିନ୍ତୁ ସାଂସଦ ଏବଂ ବିଧାୟକ ଭଲ କାମ କରୁ ନାହାଁନ୍ତି ତେବେ ଏହାର ଦାୟୀ କିଏ ହେବ ।
