ଭୁବନେଶ୍ୱର (ଏଟିଆର ବ୍ୟୁରୋ); ପୁଣି ଆନ୍ତର୍ଜାତୀୟ ସ୍ତରରେ ଚମକିଛନ୍ତି ଓଡିଆ ପୁଅ । କୋଲକାତା ଠାରେ ଚାଲିଥିବା ଆନ୍ତର୍ଜାତିୟ ତାଇକୋଣ୍ଡା ପ୍ରତିଯୋଗିତାରେ ଢ଼େଙ୍କାନାଳ ଜିଲ୍ଲାର ୯ ବର୍ଷର ପୁଅ ଶ୍ରେୟାସଂ ଶକ୍ତିଶ୍ମିତ ଓଡିଶା ପାଇଁ ଗୈାରବ ଆଣିଛନ୍ତି । ସେ ଦ୍ୱିତୀୟ ସ୍ଥାନରେ ରହି ରୈାପ୍ୟ ପଦକ ଜିତିବାରେ ସଫଳ ହୋଇଛନ୍ତି ।
ରିପୋର୍ଟ ଅନୁଯାୟୀ କୋଲକାତାରେ ଆୟୋଜିତ ହୋଇଥିବା ଏହି ଆନ୍ତର୍ଜାତୀୟ ତାଇକୋଣ୍ଡା ପ୍ରତିାଯାଗିତାରେ ୧୪ଟି ଦେଶର ବଛାବଛା ପ୍ରତିଯୋଗୀ ଭାଗ ନେଇଥିଲେ । ତେବେ ଏଥିରେ ଜୁନିୟର ବିଭାଗରେ ଭାଗ ନେଇ ଶ୍ରେୟାସଂ ରୋପ୍ୟ ପଦକ ଜିତିବାରେ ସଫଳ ହୋଇଛନ୍ତି । ରୋପ୍ୟ ପଦକ ବିଜୟ ପରେ ଢ଼େଙ୍କାନାଳ ସମେତ ସମଗ୍ର ରାଜ୍ୟବାସୀ ତାଙ୍କୁ ପ୍ରଂଶସାରେ ପୋତି ପକେଇଛନ୍ତି । ଏହା ପୂର୍ବରୁ ସେ ଜିଲ୍ଲାରେ ଚାମ୍ପିୟନ ହୋଇଥିବା ବେଳେ ରାଜ୍ୟରେ ଆୟୋଜିତ ହୋଇଥିବା ପ୍ରତିଯୋଗିତାରେ ମଧ୍ୟ ସଫଳ ହୋଇ ସ୍ୱର୍ଣ୍ଣ ପଦକ ଜିତିବାରେ ସଫଳ ହୋଇଥିଲେ । ତେବେ ଏତେ ବଡ ପ୍ରତିଯୋଗିତାରେ ରୈାପ୍ୟ ପଦକ ହାସଲ କରିବା ପରେ ବହୁତ ଖୁସି ଥିବା ପ୍ରକାଶ କରିଛନ୍ତି ଶ୍ରେୟାସଂ ।
