ଭୁବନେଶ୍ୱର (ଏଟିଆର ବ୍ୟୁରୋ); ୨୦୧୮ ମସିହାରେ ଓଡିଆ ଦର୍ଶକଙ୍କ ନିରାଶ କରିଥିଲେ ଓଲିଉଡ ସୁନ୍ଦରୀ ଅର୍ଚ୍ଚିତା । ଚଳିତ ବର୍ଷ ପରଦାରେ ନଜର ଆସିନଥିଲେ ଏହି ନାୟିକା । ଅର୍ଚ୍ଚିତାଙ୍କ ଫ୍ୟାନଙ୍କ ମନରେ ଦୁଃଖ ରହି ଯାଇଥିଲା । ତେବେ ୨୦୧୮ରେ ଫ୍ୟାନଙ୍କ ମନରେ ଥିବା ଦୁଃଖ ଦୂର କରିବା ୨୦୧୯ ଆରମ୍ଭରୁ ଦୁଇଟି ଫିଲ୍ମ ଉପହାର ଦେବେ ଅର୍ଚ୍ଚିତା । ଦୁଇଟି ଫିଲ୍ମର ଶୀର୍ଷକ ରହିଛି ଚାମ୍ପିୟନ ଏବଂ ଅଜବ ସଞ୍ଜୁର ଗଜବ ଲଭ । ଏହି ଦୁଇଟି ଚ୍ଚଳଚିତ୍ର ମାଧ୍ୟମରେ ପୁନର୍ବାର ଦର୍ଶକଙ୍କ ସାମ୍ନାକୁ ଆସିବେ ତାଙ୍କ ମନ ପସନ୍ଦର ନାୟିକା ।
‘ଚାମ୍ପିୟନ’ରେ ଅର୍ଚ୍ଚିତାଙ୍କ ଆକ୍ସନ ମୁଡରେ ଦେଖିବାକୁ ମିଳିବ । ଜଣେ ଗାଉଁଲି ଝିଅ କିପରି ବକ୍ସି ଭଳି ବଡ ଖେଳରେ ନାଁ କମଉଛି ସେହି ଘଟଣା ଉପରେ ଆଧାରିତ ଚାମ୍ପିୟନର କାହାଣୀ । ସେପଟେ ଅନ୍ୟ ଅଜବ ସଞ୍ଜୁର ଗଜବ ଲଭରେ ବାବୁସାନଙ୍କ ନଜର ଆସିବେ ଅର୍ଚ୍ଚିତା । ଏହି ଦୁଇ ଯୋଡି ପୂର୍ବରୁ ବହୁ ହିଟ ଫିଲ୍ମ ଦର୍ଶକଙ୍କୁ ଭେଟି ଦେଇଛନ୍ତି । ଲୋଫର ଫିଲ୍ମରେ ଏହି ଦୁଇଙ୍କ ଯୋଡିକୁ ନେଇ ବହୁତ ଚର୍ଚ୍ଚା ହୋଇଥିଲା । ଏବଂ ଦର୍ଶକଙ୍କୁ ଫୁଲ ମନୋରଞ୍ଜନର ଛୁଙ୍କ ଯୋଗାଇଥିଲେ । ପୁନର୍ବାର ଏହି ଯୋଡି ଓଲିଉଡରେ ଏକ ନୂଆ ଅଧ୍ୟାୟ ସୃଷ୍ଠି କରିବ ବୋଲି ଆଶା ରଖିଛି ପ୍ରଯୋଜନା ସଂସ୍ଥା ।
