ଭୁବନେଶ୍ୱର (ଏଟିଆର ବ୍ୟୁରୋ): ଆଉ ମାତ୍ର କେଇ ଘଣ୍ଟା ମଧ୍ୟରେ ବିଦାୟ ନେବ ୨୦୧୮ । ଆସିଯିବ ନୂତନ ବର୍ଷ ବା ୨୦୧୯ । ଏହି ନବବର୍ଷକୁ ଆନନ୍ଦ ଉଲ୍ଲାସର ସହ ସ୍ୱାଗତ କରିବା ଲାଗି ଅନେଇ ବସିଛନ୍ତି ଲୋକେ । ସେଥିପାଇଁ ପ୍ରସ୍ତୁତି ଖୁବ୍ ଜୋର୍ ସୋର୍ ରେ ଚାଲିଛି । ଖାସ୍ କରି ଜିରୋ ନାଇଟ୍ ସେଲବ୍ରେସନ୍ ପାଇଁ ସବୁଠି ଭିଡ । ଛୋଟ ମୋଟ କ୍ଲବ ହାଉସ୍ ଠାରୁ ଆରମ୍ଭ କରି ବଡ ବଡ ହୋଟେଲ ପର୍ଯ୍ୟନ୍ତ ସବୁଠି ଜିରୋ ନାଇଟ୍ ର କ୍ରେଜ୍ । ଏହାକୁ ଦୃଷ୍ଟିରେ ରଖି ପ୍ରଶାସନ ପଡକ୍ଷରୁ କଡା ସୁରକ୍ଷା ବ୍ୟବସ୍ଥା କରାଯାଇଛି ।
ଜିରୋ ନାଇଟ୍ ଲାଗି କଟକ, ଭୁବନେଶ୍ୱର ଥିବା ହୋଟେଲ ମାନଙ୍କରେ ରଙ୍ଗାରଙ୍ଗ କାର୍ଯ୍ୟକ୍ରମମାନ ରହିଛି । ରଙ୍ଗିନ ଆଲୋକ ସହ ଡିଜେ ନାଇଟ୍ ରେ ମତୁଆଲା ହେବେ ଲୋକେ ।
ଅନ୍ୟପଟେ ଜିରୋ ନାଇଟ୍ ସମୟରେ ରାଜଧାନୀ ଭୁବନେଶ୍ୱରରେ କୌଣସି ପ୍ରକାର ଅଘଟଣ ନହେବା ପାଇଁ ପୋଲିସ୍ ପୂରା ସଜାଗ । ଟ୍ରାଫିକ୍ ପୋଷ୍ଟ ସହିତ ଠା ଠାରେ ଚାଲିଛି ଚେକିଂ । ଏହାସାଙ୍ଗକୁ ପୋଲିସ୍ ନଜରରେ ରହିଛି ବିଭିନ୍ନ ହୋଟେଲ । ସୁପ୍ରିମକୋର୍ଟ ନିୟମ ଅନୁଯାୟୀ ଆଜି ରାତି ସାଢେ ୧୧ଟାରୁ ସାଢେ ୧୨ ଯାଏଁ ବାଣ ଫୁଟାଇ ପାରିବେ ।
