ଭୁବନେଶ୍ୱର (ଏଟିଆର ବ୍ୟୁରୋ); ଚଳିତ ମାସ ୬ ତାରିଖରୁ ଜନ ସାଧାରଣଙ୍କ ପାଇଁ ଖୋଲିବ ରାଜ ଭବନ ଉଦ୍ୟାନ । ଏହା ଆସନ୍ତା ୨୦ ତାରିଖ ପର୍ଯ୍ୟନ୍ତ ଜନ ସାଧାରଣ ପରିଦର୍ଶନ କରି ପାରିବେ ବୋଲି ରାଜ ଭବନ ସୂଚନା ଦେଇଛି । ଦିନ ୨ଟାରୁ ସନ୍ଧ୍ୟା ୫ଟା ପର୍ଯ୍ୟନ୍ତ ଖୋଲା ରହିବ ଉଦ୍ୟାନ । ତେବେ ୪.୩୦ ପରେ ଉଦ୍ୟାନକୁ ପ୍ରବେଶ ଉପରେ କଟକଣା ଲାଗିବ ।
ରାଜ ଭବନ ଉଦ୍ୟାନରେ ଥିବା ୱାଟର ଫାଉଣ୍ଟେନ,ମ୍ୟୁଜିକାଲ ଫାଉଣ୍ଟେନ,ଗୋଲାପ ବଗିଚା ଏବଂ ହରୀଣ ପାର୍କର ମଜା ନେବା ପାଇଁ ଏଠାକୁ ଜନ ସାଧାରଣଙ୍କ ଭିଡ ଲାଗିଥାଏ । ପରିଦର୍ଶନ ସମୟରେ ରାଜ ଭବନ ଭିତରକୁ ଖାଦ୍ୟଦ୍ରବ୍ୟ ଏବଂ ଆପତ୍ତି ଜନକ ଦ୍ରଦ୍ୟ ନଦେବା ପାଇଁ କୁହାଯାଇଥିବା ବେଳେ ପରିଦର୍ଶନ ସମୟରେ ଶାନ୍ତି ଶୃଙ୍ଖଳା ରକ୍ଷା କରିବା ପାଇଁ ରାଜ ଭବନ ପକ୍ଷରୁ ଅନୁରୋଧ କରାଯାଇଛି । ତେବେ ଏହି ଉଦ୍ୟାନ ବର୍ଷରେ ମାତ୍ର ଗୋଟିଏ ଥର କିଛି ଦିନ ପାଇଁ ଜନ ସାଧାରଣଙ୍କ ପାଇଁ ଖୋଲା ଯାଇଥାଏ । ଏଣୁ ଏହି ଉଦ୍ୟାନ ଭିତରକୁ ଯିବା ପାଇଁ ସମସ୍ତଙ୍କ ମନରେ ଉକ୍ରଣ୍ଠା ଭରିରହିଥାଏ । ଚଳିତ ବର୍ଷ ୬ ତାରିଖରୁ ଖୋଲିବା ଖବର ଶୁଣିବା ପରେ ଜନ ସାଧାରଣ ବହୁତ ଖୁସିଥିବା ଦେଖିବାକୁ ମିଳିଛି ।
