ଅନୁଗୋଳ (ଏଟିଆର ବ୍ୟୁରୋ); ସାଇକେଲ ଚାଳକଙ୍କ ଉପରେ ଚଢ଼ିଗଲା ଟ୍ରାକ୍ଟର । ସାଇକେଲ ଚାଳକଙ୍କ ମୃତ୍ୟୁ । ତେବେ ଏଭଳି ଏକ ଦୁର୍ଘଟଣା ଘଟିଛି ଅନୁଗୋଳ ଜିଲ୍ଲା ଛେନ୍ଦିପଦା ବ୍ଳକ ଅନ୍ତର୍ଗତ ଆମ୍ବପାଳ ଗାଁରେ । ଦୁର୍ଘଟଣାରେ ମୃତକ ହେଲେ ପିଠ ବେହେରା । ଏହି ଦୁର୍ଘଟଣା ଘଟିବା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ସୃଷ୍ଟି ହେବା ସହ ଉତ୍ୟକ୍ତ ଲୋକ ଅନୁଗୋଳ-କୁଇଓ ରାସ୍ତା ଅବରୋଧ କରିଥିଲେ । ଖବର ପାଇବା ପରେ ଅନୁଗୋଳ ପୋଲିସ ଘଟଣାସ୍ଥ ଳରେ ପହଁଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ସହ ଶବକୁ ବ୍ୟବଛେଦ ପାଇଁ ପଠାଇ ଦେଇଛି ।
ସୂଚନା ଅନୁଯାୟୀ ପିଠ ସାଇକେଲରେ ଯାଉଥିବା ବେଳେ ପଛପଟୁ ଏକ ଇଟା ବୋଝେଇ ଟ୍ରାକ୍ଟର ପଛପଟୁ ଚପାଇ ଦେଇଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ମାଡ କରିବା ପରେ ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଛି । ଗାଁର ଉତ୍ୟକ୍ତ ଲୋକ ମୃତକଙ୍କ ପରିବାରକୁ କ୍ଷତି ପୂରଣ ଦାବିରେ ରାସ୍ତା ରୋକ କରିଥିଲେ । ତେବେ ଅନୁଗୋଳ ପୋଲିିସ ପହଁଞ୍ଚିା ପରେ ଉତ୍ୟକ୍ତ ଲୋକଙ୍କୁ ବୁଝାସୁଝା କରିଥିଲା ।
