ଭୁବନେଶ୍ୱର (ଏଟିଆର ବ୍ୟୁରୋ); ନିଜେ ନାଚିଲେ, ଦର୍ଶକଙ୍କୁ ନଚେଇଲେ ଓଡିଶାର ନାମୀ ଗାୟକ ହ୍ୟୁମାନ ସାଗର । ସ୍ଥାନୀୟ ଜନତା ମଇଦାନରେ ଆୟୋଜିତ ହୋଇଥିବା ତ୍ରୟୋଦଶ ତୋଷାଳୀ ମେଳାର ଦଶମ ସଂନ୍ଧ୍ୟାରେ ଦେଖିବାକୁ ମିଳିଛି ଏଭଳି ଦୃଶ୍ୟ । ସୁମଧୁର କଣ୍ଠ ସ୍ୱରରେ ଦର୍ଶକଙ୍କୁ ଫୁଲ ଝୁମେଇଥିଲେ ହ୍ୟୁମାନ ସାଗର ଏବଂ ତାଙ୍କ ଟିମ । ଓଡିଶାର ଲୋକ ପ୍ରିୟ ଗୀତ ଗୁଡିକ ଗାଇ ଦର୍ଶକଙ୍କ ଶୀତ ଛଡେଇ ଦେଇଥିଲେ ହ୍ୟୁମାନ । ପ୍ରୋଗାମର ମଜା ନେଉଥିବା ଛୋଟ ଛୁଆଙ୍କ ଠାରୁ ଆରମ୍ଭ କରି ବୟସ୍କ ଦର୍ଶକ ସମସ୍ତେ ନାଚି ମନୋରଞ୍ଜନ କରିଥବା ଦେଖିବାକୁ ମିଳିଥିଲା ।
ମୋବାଇଲ ଫ୍ଲାସ ଲାଇଟରେ ଝଲସିଥିଲା ଜନତା ମଇଦାନ । ଦର୍ଶକଙ୍କୁ ଫ୍ଲାସ ଲାଇଟ ଅନ କରିବା ପାଇଁ ହ୍ୟୁମାନ କହିବା ପରେ ସବୁ ଦର୍ଶକ ଲାଇଟ ଲଗାଇଥିଲେ । ହ୍ୟୁମାନଙ୍କ ସାଗର ସରଗମର ଗାୟିକା ସ୍ମିତା ମଧ୍ୟ ଦର୍ଶକଙ୍କ ଫୁଲ ମନମୋହିଥିଲେ । ସ୍ମିତାଙ୍କ ସମ୍ବଲପୁରୀ ଗୀତର ତାଳେ ତାଳେ ଝୁମିଥିଲେ ଦର୍ଶକ । ସେପଟେ ରବିବାର ଛୁଟିଦିନ ହୋଇଥିବାରୁ ଭିଡ ପ୍ରବଳ ଜୋରରେ ଜମିଥିଲା । ମନୋରଞ୍ଜନ ସାଙ୍ଗକୁ ହନ୍ତତନ୍ତ ସାମଗ୍ରୀ କିଣିଥିଲେ ଗ୍ରାହକ ।
