ରାୟଗଡା (ଏଟିଆର ବ୍ୟୁରୋ); ବାହାର ରାଜ୍ୟକୁ ଗଞ୍ଜେଇ ଚୋରା ଚାଲାଣ ଅଭିଯୋଗରେ ରାୟଗଡା ବୋଲିସ ଜଣକୁ ଗିରଫ କରିଛି । ଗିରଫ ଅଭିଯୁକ୍ତ ହେଲା ପ୍ରସାନ୍ତ ରାଉତ । ଜିଆରଏଫ ପୋଲିସ ଅଭିଯୁକ୍ତ ନିକଟରୁ ୧୯ କେଜି ଗଞ୍ଜେଇ ଜବତ କରିଛି । କୋରାପୁଟରୁ ସୁରଟ ଯାଉଥିବା ବେଳେ ଚଢ଼ାଉ କରି ଗିରଫ କରିଥିବା ଜଣାପଡିଛି ।
ମିଳିଥିବା ସୂଚନା ମୁତାବକ ଅଭିଯୁକ୍ତ ପ୍ରସାନ୍ତ କୋରାପୁଟରୁ ସୁରଟକୁ ୧୯ କେଜି ଗଞ୍ଜେଇ ନେଇ ଯାଉଥିବା ବେଳେ କୌଣସି ବିଶେଷ ସୂତ୍ରରୁ ଖବର ପାଇ ଜିଆରଏଫ ଟିମ ଷ୍ଟେସନରେ ଚଢ଼ାଉ କରିଥିଲେ । ଚଢ଼ାଉ କରି ଅଭିଯୁକ୍ତ ପାଖରୁ ଗଞ୍ଜେଇ ଜବତ କରିବା ସହ ଗିରଫ କରିଛି ପୋଲିସ । ତେବେ ପ୍ରସାନ୍ତ ସହ ଆଉ କାହାର ହାତ ଅଛି ଜାଣିବା ପାଇଁ ପଚରା ଉଚରା କରୁଛି ପୋଲିସ ।
