ଭୁବନେଶ୍ୱର (ଏଟିଆର ବ୍ୟୁରୋ); ଓଡିଶା ରଣଜିଟିମର ବଡ ବିଜୟ । ଗୋଆକୁ ୨୭୬ ରନ ବ୍ୟବଧାନରେ ହରାଇଲା ଓଡିଶା । ଏହି ମ୍ୟାଚରେ ସୂର୍ଯ୍ୟକାନ୍ତ ପ୍ରଧାନଙ୍କୁ ପ୍ଳେୟାର ଅଫ ଦି ମ୍ୟାଚ ଘୋଷଣା କରାଯାଇଛି । ସୂର୍ଯ୍ୟକାନ୍ତ ଦୁଇଟି ପାଳିରେ ୫ଟି ୱିକେଟ ନେଇଥିବା ବେଳେ ୮୭ ରନ କରିବାରେ ସଫଳ ହୋଇଥିଲେ । ଏହି ବିଶାଳ ବିଜୟ ପରେ ଓଡିଶା ରଣଜି ଟିମକୁ ପ୍ରଂଶସାର ସୁଅ ଛୁଟିଥିବା ଦେଖିବାକୁ ମିଳିଛି ।
ସ୍ଥାନୀୟ ବିକାଶ କ୍ରିକେଟ ଗ୍ରାଉଣ୍ଡରେ ଅନୁଷ୍ଠିତ ହୋଇଥିଲା ଓଡିଶା-ଗୋଆ ରଣଜି ମ୍ୟାଚ । ଓଡିଶା ଟସ ଜିତି ବ୍ୟାଟିଂ କରିବାର ନିଷ୍ପତି ନେଇଥିଲା । ଦଳ ପ୍ରଥମ ପାଳିରେ ସନ୍ଦୀପ ପଟ୍ଟନାୟକଙ୍କ ଶତକ,ସୂର୍ଯ୍ୟକାନ୍ତ ପ୍ରଧାନ ଏବଂ ଶାନ୍ତନୁ ମିଶ୍ରଙ୍କ ଅର୍ଦ୍ଧଶତକ ବଳରେ ଦଳ ୩୫୨ ରନ କରିବାରେ ସଫଳ ହୋଇଥିଲା । ଗୋଆ ପ୍ରଥମ ପାଳିରେ ମାତ୍ର ୧୧୬ କରିଥିଲା । ତେବେ ପ୍ରଥମ ପାଳିରେ ଓଡିଶା ଠାରୁ ପଛରେ ପଡିଥିଲା ।
ଓଡିଶା ତାର ଦ୍ୱିତୀୟ ପାଳିରେ ୧୫୧ ରନରେ ଅଲଆଉଟ ହୋଇ ଯାଇଥିଲା । ଫଳରେ ଗୋଆ ଅଗରେ ୩୮୭ ରନର ବିଜୟ ଳକ୍ଷ ରହିଥିଲା । ଏହି ସ୍କୋରକୁ ପିଛା କରିବାକୁ ଯାଇ ଭ୍ରମଣକାରୀ ଦଳ ମାତ୍ର ୧୧୧ ରନରେ ସମସ୍ତ ୱିକେଟ ହରାଇ ଦେଇଥିଲା । ଶେଷରେ ଓଡିଶା ୨୮୭ ରନରେ ବିଜୟ ହାସଲ କରିଥିଲା । ଦ୍ୱିତୀୟ ପାଳିରେ ଓଡିଶା ପକ୍ଷରୁ ରାଜେଶ ମହାନ୍ତି ୫ଟି ୱିକେଟ ନେଇଥିବା ବେଳେ ବସନ୍ତ ମହାନ୍ତି ୪ଟି ୱିକେଟ ନେବାରେ ସଫଳ ହୋଇଥିଲେ ।
