ସୁବର୍ଣ୍ଣପୁର (ଏଟିଆର ବ୍ୟୁରୋ): ମର୍ମନ୍ତୁଦ ସଡକ ଦୁର୍ଘଟଣାରେ ଚାଲିଗଲା ଜଣେ ଶିକ୍ଷକଙ୍କ ଜୀବନ । ମୃତ ଶିକ୍ଷକଙ୍କ ନାଁ ମୁରାରୀ ମିଶ୍ର । ଘଟଣାଟି ସୁବଣ୍ଣପୁର ଜିଲ୍ଲା ବିନିକା ବ୍ଲକ ନିର୍ମଳା ଛାୟା ନିକଟରେ ଘଟିଛି ।
ଗତକାଲି ଶିକ୍ଷକ ଜଣକ ସ୍କୁଲରୁ ଫେରିବା ସମୟରେ ଏହି ମର୍ମନ୍ତୁଦ ସଡକ ଦୁର୍ଘଟଣାର ଶିକାର ହୋଇଥିଲେ । ଅଚାନକ୍ ଏକ ଟ୍ରାକ୍ଟରଟି ଆସି ମୁରାରୀଙ୍କ ବାଇକ୍ କୁ ଧକ୍କା ଦେଇଥିଲା । ଘଟଣାସ୍ଥଳରେ ମୁରାରୀ ଗୁରୁତର ହୋଇପଡିଥିଲେ । ସ୍ଥାନୀୟ ଲୋକେ ତାଙ୍କ ୁ ବିନିକା ହସ୍ପିଟାଲରେ ଭର୍ତ୍ତି କରିଥିଲେ । ମାତ୍ର ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ଏହାପରେ ଶିକ୍ଷକଙ୍କ ମୃତ୍ୟୁକୁ ନେଇ ସ୍ଥାନୀୟ ଅଞ୍ଚଳରେ ତୀବ୍ର ଅସନ୍ତୋଷ ସହ ଉତ୍ତେଜନା ଦେଖାଦେଇଥିଲା । ଡାକ୍ତରଖାନା ସମୁଖ ରାସ୍ତା ମଧ୍ୟ ଅବରୋଧ କରିଥିଲେ ଲୋକେ ।
