ଭୁବନେଶ୍ୱର (ଏଟିଆର ବ୍ୟୁରୋ); ରବିବାର ରିଲିଜ ହୋଇଛି ନୂଆ ଓଡିଆ ଚଳଚ୍ଚିତ୍ର । ଯାହାର ଟାଇଟଲ ରହିଛି ଅଜବ ସଞ୍ଜୁର ଗଜବ ଲଭ । ଏଥିରେ ଓଡିଶାର ଦୁଇ ପ୍ରତିଷ୍ଠିତ ଯୋଡି ନାୟକ ନାୟିକା ଭୂମିକାରେ ଆସିଛନ୍ତି । ଦୀର୍ଘ ଦିନ ପରେ ଏହି ଚଳଚ୍ଚିତ୍ର ମାଧ୍ୟମରେ ବାବୁସାନ ଏବଂ ଅର୍ଚ୍ଚିତା ଯୋଡିକୁ ଦର୍ଶକ ପରଦାରେ ଦେଖିବାକୁ ପାଇବେ । ତେବେ ଏହି ଫିଲ୍ମର ନିର୍ଦ୍ଧେଶନା ଦେିଛନ୍ତି ଷ୍ଟାଇଲିସ ଡାଇରେକ୍ଟର ଅଶୋକ ପତି । ସଙ୍ଗୀତ ନିର୍ଦ୍ଦେଶନା ଭାର ସମ୍ଭାଳିଛନ୍ତି ମ୍ୟୁଜିକ ସାଇଣ୍ଟିଷ୍ଟ ପ୍ରେମ ଆନନ୍ଦ । ଏହି ଚଳଚ୍ଚିତ୍ରଟି ସାଇଶ୍ରଦ୍ଧା ବ୍ୟାନରରେ ରିଲିଜ ହୋଇଛି ।
ରବିବାର ଫିଲ୍ମଟି ମୁକ୍ତିଲାଭ କରିଥିବାରୁ ହଲରେ ଦର୍ଶକଙ୍କ ଭିଡ ଜମିଥିବା ଦେଖିବାକୁ ମିଳିଛି । ତେବେ ଦୀର୍ଘ ଦିନ ପରେ ବାବୁସାନ-ଅର୍ଚ୍ଚିତାଙ୍କ ଯୋଡି ପରଦାରେ ନଜର ଆସିଥିବାରୁ ଦର୍ଶକମାନେ ଏହାର ମଜା ନେଇଛନ୍ତି । ପୂର୍ବରୁ ଏହି ଲୋଫର ଫିଲ୍ମରେ ଦୁହିଁଙ୍କ ଯୋଡି ଓଲିଉଡରେ ଅପୂର୍ବ ସଫଳତା ପାଇଥିଲା । ଏହି ଫିଲ୍ମଟି ଚଳିତ ବର୍ଷର ତୃତୀୟ ଫିଲ୍ମ ।
