ନୂଆଦିଲ୍ଲୀ (ଏଟିଆର ବ୍ୟୁରୋ); ବିଜେପି ରାଷ୍ଟ୍ରିୟ ଅଧ୍ୟକ୍ଷ ଅମିତ ଶାହା ସ୍ୱାଇନ ଫ୍ଲୁ ରୋଗରେ ଆକ୍ରାନ୍ତ ହୋଇଛନ୍ତି । ତାଙ୍କୁ ଦିଲ୍ଲୀ ଏମ୍ସ ହଷ୍ପିଟାଲରେ ଭର୍ତ୍ତି କରାଯାଇଛି । ଏମ୍ସର ୩୦୧ ନମ୍ବର ୱାର୍ଡରେ ତାଙ୍କୁ ଭର୍ତ୍ତି କରାଯାଇଛି । ସେଠାରେ ତାଙ୍କୁ ସ୍ୱତନ୍ତ୍ର ସେବା ଯୋଗାଇ ଦିଆ ଦିଆଯାଉଛି । ଏବଂ ସେ ଯଥାଶିଘ୍ର ସୁସ୍ଥ ହୋଇଯିବେ ବୋଲି ସୂଚନା ଦେଇଛନ୍ତି ଡାକ୍ତର ରଣଦ୍ୱୀପ ଗୁଲେରିଆ ।
ଆସନ୍ତା କାଲି ଅଥବା ୧୮ ତାରିଖରେ ଓଡିଶା ଆସିଥାନ୍ତେ ଅମିତ ଶାହା । କିନ୍ତୁ ସେ ଅସୁସ୍ଥ ଥିବାରୁ ଏହି ଗସ୍ତଟି ସ୍ଥଗିତ ରଖାଯାଇଛି । ସେ ସୁସ୍ଥ ହୋଇ ଫେରିବା ପରେ ପୁଣି ଓଡିଶା ଆସିବେ ବୋଲି ସୂଚନା ଦେଇଛନ୍ତି ରାଜ୍ୟ ବିଜେପି ଉପସଭାପତି ସମୀର ମହାନ୍ତି । ନିର୍ବାଚନ ପାଖେଇ ଆସୁ୍ଥିବା ବେଳେ ଦଳର ତୁଙ୍ଗ ନେତାଙ୍କ ଅସୁସ୍ଥ ଦଳ ପାଇଁ ଅତ୍ୟନ୍ତ ଦୁଃଖ ଦାୟକ ଘଟଣା ବୋଲି ମଧ୍ୟ ସେ କହିଛନ୍ତି ।
