ସୋନପୁର (ଏଟିଆର ବ୍ୟୁରୋ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଘିଚାପାଲି ଗାଁରେ ଭୟାବହ ଅଗ୍ନିକାଣ୍ଡ ଘଟିଛି । ଅଗ୍ନିକାଣ୍ଡରେ ଗୋଟେ ଘର ଜଳି ପୋଡି ପାଉଁଶ ହୋଇଯିବା ସହ ଏଥିରେ ଜଣେ ଯୁବକ ଜିଅଁନ୍ତା ଜଳି ଯାଇଛନ୍ତି । ଏହି ଦୁଃଖଦ ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି । ମୃତ ଯୁବକ ଜଣକ ହେଉଛନ୍ତି ରଞ୍ଜନ ବିଭାର (୩୦) ।
ଗତକାଲି ରାତିରେ କୌଣସି କାରଣ ବସତଃ ଅଚାନକ୍ ଘିଚାପାଲି ଗାଁରେ ରହୁଥିବା ଜଣେ ବ୍ୟକ୍ତିଙ୍କ ଘରେ ନିଆଁ ଲାଗି ଯାଇଥିଲା । ଫଳରେ ନିଆଁ ଚାରିଆଡେ ବ୍ୟାପି ଯାଇଥିଲା । ନିଆଁ ଲାଗିଯାଇଥିବାର ଦେଖି ଗାଁ ଲୋକେ ଅଗ୍ନିଶମ ବିଭାଗକୁ ଖବର ଦେଇଥିଲେ । ଘଟଣାରେ ଦମକଳବାହିନୀ ପହଁଚି ନିଆଁକୁ ଆୟତ୍ତ କରିଥିଲେ । ମାତ୍ର ଏଥିରୁ ବର୍ତ୍ତି ପାରିନଥିଲେ ଘରେ ଶୋଇଥିବା ରଞ୍ଜନ । ନିଆଁରେ ଜିଅନ୍ତା ଜଳି ଯାଇଥିଲେ ରଞ୍ଜନ ।
