ଭୁବନେଶ୍ୱର (ଏଟିଆର ବ୍ୟୁରୋ); ଆସନ୍ତା ଜାନୁଆରୀ ୨୫ ତାରିଖରେ ହାତକୁ ଦି ହାତ ହେବେ ଓଡିଆ ଅଭିନେତ୍ରୀ ଏଲି ପାଢ଼ୀ । ସେ ଯୁବ ବ୍ୟବସାୟୀ ତଥା ତାଙ୍କର ପିଲାଦିନ ବନ୍ଧୁ ଶ୍ରୀମୟ କୁମାର ପଣ୍ଡାଙ୍କୁ ବିବାହ କରିବେ । ମଙ୍ଗଳବାର ଜଗନ୍ନାଥ ମନ୍ଦିରରେ ତାଙ୍କର ନିର୍ବନ୍ଧ ହୋଇଛି । ସେ ନିର୍ବନ୍ଧ ସମୟର କିଛି ଫଟୋ ତାଙ୍କର ସୋସିଆଲ ମିଡିଆଲରେ ତାଙ୍କ ଫ୍ୟାନଙ୍କ ପାଇଁ ପୋଷ୍ଟ କରିଛନ୍ତି ଏଲି । ଏହି ଫଯୋ ଦେଖିବା ପରେ ଫଟୋକୁ ସେୟାର କରିବା ସହ ଏଲିଙ୍କୁ ଶୁଭେଛା ଜଣାଇଛନ୍ତି ଦର୍ଶକ ।
ଏଲି ପାଢ଼ୀ ଓଡିଆ ସିନେମା ହେଉ ବା ସିରିଏଲ ସବୁଥିରେ କାମ କରି ଦର୍ଶକଙ୍କ ମନ ଜିଣିଛନ୍ତି । ସେ ‘ତାଜା ଖବର’ ଓ ଷୋହଳ ପୁରୀ ସତର ହେଲା ଭଳି ଚର୍ଚ୍ଚିତ ଆଲବମରେ ଅଭିନୟ କରି ଦର୍ଶକଙ୍କୁ ମତୁଆଲା କରିଥିଲେ । ତୁଳସୀ,ସିନ୍ଦୁର,ଅପା ଭଳି ପପୁଲାର ସିରିଏଲରେ କାମ କରି ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି । ଫିଅର ଅଫ ଦି ଇୟର ଓଡିଆ ଫିଲ୍ମରେ ସେ ମୁଖ୍ୟ ନାୟିକା ଭାବରେ ଅଭିନୟ କରିଥିଲେ । ତେବେ କେବଳ ଅଭିନୟ ନୁହେଁ ସୁନ୍ଦର ଆଙ୍କରିଙ୍ଗ ପାଇଁ ଓଡିଶାର ଘରେ ଘରେ ପରିଚିତ ଏଲି । ଏବେ ତରଙ୍ଗରେ ପ୍ରସାରିତ ହେଉ ଥିବା ‘କିଏ ଜିତେ କିଏ ହାରେ’ ଧାରା ବାହିକରେ ଉପସ୍ଥାପନା କରୁଛନ୍ତି ।
