କେନ୍ଦ୍ରାପଡା (ଏଟିଆର ବ୍ୟୁରୋ); ଖବର ସଂଗ୍ରହ କରିବା କଣ ଭୁଲ? ସତ ଖବର ସଂଗ୍ରହ କରି ଲୋକ ଲୋଚନକୁ ଆଣିବା ଜଣେ ସାମ୍ବାଦିକର କର୍ତ୍ତବ୍ୟ । ତେବେ ଏହି ଖବର ସଂଗ୍ରହ କରିବା ପାଇଁ ବାଜିରେ ଲାଗୁଛି ସାମ୍ବାଦିକଙ୍କ ଜୀବନ । ବାରମ୍ବାର ସାମ୍ବାଦିକମାନେ ମାଡ ଖାଉଥିବା ଏବଂ ମରଣାନ୍ତକ ଆକ୍ରମଣର ଶିକାର ହେଉଥିବା ଲୋକ ଲୋଚନକୁ ଆସୁଛି । ତେବେ ଆଜି ପୁଣି ଏଭଳି ଏକ ଘଟଣା ଲୋକ ଲୋଚନକୁ ଆସିଛି ।
ସୂଚନା ଯୋଗ୍ୟ, କେନ୍ଦ୍ରାପଡା ପଟ୍ଟାମୁଣ୍ଡାଇ ଅଞ୍ଚଳରେ କାମାୟବ ଟିଭିରେ କାମ କରୁଥିବା କୁମାରେଶ ନାୟକଙ୍କୁ ମରଣାନ୍ତକ ଆକ୍ରମଣ କରିଛନ୍ତି ଦୁର୍ବୃତ୍ତ । କିଛି ଦିନ ପୂବେ ସେମାନଙ୍କ ବିରୋଧରେ ଏକ ଖବର ପ୍ରସାରଣ କରିଥିଲେ । ଏଣୁ ସେମାନେ ରାଗି ଯାଇଥିଲେ । ଆଜି ପଟ୍ଟାମୁଣ୍ଡାଇ ପୈାର ପରିଷଦ ଅଫିସ ନିକଟରେ ସେ ଠିଆ ହୋଇଥିବା ବେଳେ ବାଇକରେ ଆସି ତାଙ୍କୁ ଭୁଜାଲିରେ ବିଚ ରାସ୍ତରେ ହାଣି ପକାଇଥିଲେ । ତେବେ ସାମ୍ବାଦିକ ହଣା ଖାଇବା ପରେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟି ଯାଇଛି ।
