ମୁମ୍ବାଇ (ଏଟିଆର ବ୍ୟୁରୋ): ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବାୟୋପିକ ପରେ ଏବେ ବିଜେପି ନେତା ତଥା କେନ୍ଦ୍ରମନ୍ତ୍ରୀ ନିତୀନ ଗଡକରୀଙ୍କ ଉପରେ ଫିଲ୍ମ ଆସିବାକୁ ଯାଉଛି । ଫିଲ୍ମର ଟାଇଟଲ ‘ଗଡକରୀ’ ରଖାଯାଇଛି । ନିତୀନ ଗଡକରୀଙ୍କ ଉପରେ ପ୍ରସ୍ତୁତ ହେଉଥିବା ଫିଲ୍ମ ‘ଗଡକରୀ’ର ଟ୍ରେଲର ବି ସାମ୍ନାକୁ ଆସିଯାଇଛି । ଏହି ଫିଲ୍ମରେ ରାହୁଲ ଚୋପଡା ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମଟି ମାର୍ଚ୍ଚ ୫ରେ ୟୁଟ୍ୟୁବ୍ ରେ ରିଲିଜ୍ ହେବ ।
ଏହି ଫିଲ୍ମର ନିର୍ଦ୍ଦେଶକ ଅନୁରାଗ ଭୁସାରୀ କହିଛନ୍ତି କି, ‘ଏହା କୌଣସି ପ୍ରକାର ପ୍ରଚାର ନୁହେଁ, ବରଂ ପୁରା ଫିଲ୍ମଟି ତଥ୍ୟ ଉପରେ ଅଧାରିତ । ଆମେ ତାଙ୍କ ଜୀବନର ରାଜନେତତିକ ଯାତ୍ରା,ତାଙ୍କର କେନ୍ଦ୍ରମନ୍ତ୍ରୀ ହେବାର କାହାଣୀ ବର୍ଣ୍ଣିତ କରିଛୁ’ ।
ସେ ଆହୁରୀ ମଧ୍ୟ କହିଛନ୍ତି କି ଫିଲ୍ମରେ ନିତୀନ ଗଡକରୀଙ୍କ ଜୀବନକୁ ବହୁତ ସନ୍ତୁଳିତ ଭାବେ ବର୍ଣ୍ଣନା କରାଯାଇଛି । ଫିଲ୍ମରେ ବାସ୍ତବିକତାକୁ ଦର୍ଶାଯାଇଛି ବୋଲି ମୁଁ ଦର୍ଶକଙ୍କୁ ଭରସା ଦେଇପାରିବି । ମୋ ଫିଲ୍ମରେ କୌଣସି ପ୍ରକାରର ପ୍ରଚାରର ନେଣ ଦେଣ ନାହିଁ ।
ଗତବର୍ଷ ସେପ୍ଟେମ୍ବର ମାସରେ ଏହି ଫିଲ୍ମ ତିଆରି ଆରମ୍ଭ ହୋଇଥିଲା । ଛଅମାସର ରିସର୍ଚ ପରେ ନିର୍ଦ୍ଦେଶକ ଏବେ ଫିଲ୍ମଟିକୁ ପୂରା କରିବାକୁ ଯାଉଛନ୍ତି ।
