ବାଲେଶ୍ୱର (ଏଟିଆର ବ୍ୟୁରୋ); ବ୍ୟାଙ୍କରେ ଅଗ୍ନିକାଣ୍ଡ । ନିଆଁ ଲାଗି ପୋଡିଯାଇଛି ମୂଲ୍ୟବାନ କାଗଜ ପତ୍ର । ତେବେ ଏଭଳି ଭୟାବହ ଅଗ୍ନିକାଣ୍ଡ ଘଟିଛି ବାଲେଶ୍ୱର ଜିଲ୍ଲା ଜଳେଶ୍ୱର ଅନ୍ତର୍ଗତ ଚନ୍ଦନେଶ୍ୱର ସ୍ଥିତ ପଞ୍ଜାବ ନ୍ୟାସନାଲ ବ୍ୟାଙ୍କ ଶାଖାରେ । ତେବେ ଦୀର୍ଘ ଦୁଇ ଘଣ୍ଟା ଧରି ନିଆଁକୁ ଆୟତ କରିବା ପାଇଁ ଅଗ୍ନିଶମ ବିଭାଗ ନେଇଥିଲା । ସର୍ଟ ସର୍କିଟି କାରଣରୁ ଏହି ଅଗ୍ନିକାଣ୍ଡ ହୋଇଥିବା ଅନୁମାନ କରାଯାଇଛି । ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
ପୋଲିସ ସୂଚନା ମୁତାବକ ଶନିବାର ଭୋର ୩ଟା ବେଳେ ବ୍ୟାଙ୍କ ଭିତରୁ ଧୂଆଁ ବାହାରୁ ଥିବା ଦେଖିଥିଲେ ସ୍ଥାନୀୟ ଲୋକ । ପାଖକୁ ଯାଇ ଦେଖିଲା ବେଳକୁ ନିଆଁ ଲାଗିଯାଇଥିଲା ବୋଲି କହିଛନ୍ତି ଲୋକ । ଏହାପରେ ସ୍ଥାନୀୟ ଲୋକ ଦମକଳ ବାହିନୀକୁ ଖବର ଦେଇଥିଲେ । ଖବର ପାଇ ଅଗ୍ନିଶମ ଗାଡି ଆସି ନିଆଁକୁ ଆୟତ କରିଥିଲା । ପ୍ରାୟ ୨ ଘଣ୍ଟା କାଳ ଲାଗିବା ପରେ ନିଆଁକୁ ଆୟତ କରିଥିବା ଜଣା ପଡିଛି । ପରେ ପୋଲିସ ଖବର ପାଇ ଘଟଣାସ୍ଥଳରେ ପହଁଞ୍ଚିଥିଲା । ଏବଂ ଘଟଣାର ତଦନ୍ତ ଆରମ୍ଭ କରିଛି । ସର୍ଟ ସର୍କିଟି କାରଣରୁ ଏହା ହୋଇଥିବା ଅନୁମାନ କରିଛି ପୋଲିସ । ତେବେ ଏହି ଅଗ୍ନିକାଣ୍ଡରେ କେତେ କ୍ଷତି ହୋଇଛି ତାହା ସ୍ପଷ୍ଠ ହୋଇନଥିବା ବେଳେ ବହୁ ମୂଲ୍ୟବାନ କାଗଜ ପତ୍ର ପୋଡି ପାଉଁଶ ହୋଇ ଯାଇଥିବା ସୂଚନା ଦେଇଛନ୍ତି ବ୍ୟାଙ୍କ ମ୍ୟାନେଜର ।
