ବାଲେଶ୍ୱର (ଏଟିଆର ବ୍ୟୁରୋ); ମହାପ୍ରଭୁ ଶ୍ରୀଜଗନ୍ନାଥଙ୍କ ଦର୍ଶନସାରି ଖୁସିରେ ଘରକୁ ଫେରୁଥିଲେ । କିନ୍ତୁ ସେମାନଙ୍କ ଖୁସିରେ କାହାର ନଜର ଲାଗିଯାଇଥିଲା । ଫଳରେ ଘରକୁ ଫେରୁଥିବା ସମୟ ବାଟରେ ଦୁର୍ଘଟଣାର ଶିକାର ହୋଇଥିଲା । ୭ଜଣ ମିଶିଯାଇଥିବା ବେଳେ ୪ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ୩ଜଣଙ୍କର ଅବସ୍ଥା ସଙ୍କଟାପର୍ଣ୍ଣ ରହିଛି । ତେବେ ଏଭଳି ମର୍ମନ୍ତୁଦ ସଡକ ଦୁର୍ଘଟଣା ଘଟିଛି ବାଲେଶ୍ୱର ଜିଲ୍ଲା କୁଣ୍ଡପୁର ନିକଟ ୬୦ ନମ୍ବର ଜାତୀୟ ରାଜପଥରେ । ମୃତକମାନେ ହେଲେ ତୋଫାନୀ ରଣା, ତାଙ୍କ ସ୍ତ୍ରୀ କଳ୍ପନା ରଣା, ସୁବି ରଞ୍ଜନ ପରିଡ଼ା ଓ ରବି ରଣା। ଆହତମାନଙ୍କୁ ବାଲେଶ୍ୱର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ପୋଲିସ ଖବର ପାଇବା ପରେ ମୃତ ଦେହକୁ ଉଦ୍ଧାର କରି ବ୍ୟବଛେଦ ପାଇଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି ।
ପୋଲିସ ରିପୋର୍ଟ ମୁତାବକ ରବିବାର ସେମାନେ ପୁୂରୀରୁ ଜଗନ୍ନାଥଙ୍କ ଦର୍ଶନ ସାରିବା ପରେ ମାରୁତୀ ୮୦୦ରେ ଘରକୁ ଫେରୁଥିଲେ । ତେବେ ବାଟରେ ଥୁଆ ହୋଇଥିବା ଏକ ଅକାମି ଡ୍ରମ୍ପର ପଛପଟେ ଭାରସାମ୍ୟ ହରାଇ କାରଟି ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ହିଁ ଦୁଇଜଣଙ୍କର ମୃତ୍ୟୁ ହୋଇଥିଲା । ରାତି ପ୍ରାୟ ୨ଟା ବେଳେ ଏହି ଘଟଣା ଘଟିଥିବାରୁ ପାଟିଶୁଣି ଘରୁ ଉଠି ଆସିଥିଲେ ସ୍ଥାନୀୟ ଲୋକ । ସେମାନେ ପୋଲିସକୁ ଖବର ଦେଇଥିଲେ । ପୋଲିସ ଏବଂ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଁଞ୍ଚି ଆହତ ଏବଂ ମୃତକଙ୍କୁ ଉଦ୍ଧାର କରିଥିଲେ । ଘଟଣାସ୍ଥଳରେ ଦୂଇଜଣଙ୍କର ମୃତ୍ୟୁ ହୋଇଥିବା ବେଳେ ମୋଡିକାଲ ନେବା ବାଟରେ ଆଉ ଦୁଇଜଣଙ୍କର ମୃତ୍ୟୁ ହୋଇଥିଲା । ଅପରପକ୍ଷରେ ଗୁରୁତର ଆହତଙ୍କ ଅବସ୍ଥା ଏବେ ମଧ୍ୟ ସଙ୍କଟାପର୍ଣ୍ଣ ରହିଛି ।
