ନୂଆଦିଲ୍ଲୀ (ଏଟିଆର ବ୍ୟୁରୋ): ଜାରି ରହିଛି ଲୋକସଭା ନିର୍ବାଚନ । ଇତି ମଧ୍ୟରେ ରାଜନୈତିକ ମହଲ ପୂରା ସରଗରମ ହୋଇ ରହିଛି । ସେପଟେ ପ୍ରଧାନମନ୍ତ୍ରୀ ପଦ ପାଇଁ ଚାଲିଛି ଅଙ୍କକଷା । ପ୍ରକୃତରେ କିଏ ହେବେ ଦେଶର ପ୍ରଧାନମନ୍ତ୍ରୀ । ଏନେଇ ଚାଲିଛି ବିଭିନ୍ନ ସର୍ଭେ । ନିଆଯାଉଛି ଲୋକଙ୍କ ମତାମତ । ନିକଟରେ ସିଭୋଟର-ଆଇଏନଏସ ଟ୍ରାକର ଦ୍ୱାରା କରାଯାଇଥିବା ନୂତନ ସର୍ଭେରୁ ଜଣାପଡିଛି କି ପ୍ରଧାନମନ୍ତ୍ରୀ ପଦ ପାଇଁ ଲୋକଙ୍କ ପ୍ରଥମ ପସନ୍ଦ ରୂପେ ମୋଦି ପାଖାପାଖି ୩୫ ପ୍ରତିଶତ ରାହୁଲଙ୍କଠାରୁ ଆଗରେ ଅଛନ୍ତି । ସିଧା କହିବାକୁ ଗଲେ ପ୍ରଧାନମନ୍ତ୍ରୀ ପାଇଁ ଲୋକେ ନରେନ୍ଦ୍ର ମୋଦିଙ୍କୁ ଅଧିକ ପସନ୍ଦ କରୁଛନ୍ତି ।
ସର୍ଭେରେ ଯେତେବେଳେ ୧୧,୮୩୮ ଲୋକଙ୍କୁ ପ୍ରଶ୍ନ କରାଗଲା ଯେ ପ୍ରଧାନମନ୍ତ୍ରୀ ପାଇଁ ସବୁଠାରୁ ଉପଯୁକ୍ତ ପ୍ରାର୍ଥୀ କିଏ, ତେବେ ୫୬.୪୩ ଲୋକ ନରେନ୍ଦ୍ର ମୋଦି ବୋଲି ଉତ୍ତର ଦେଇଛନ୍ତି । ଏହାସହିତ ୨୨ ପ୍ରତିଶତ ଭୋଟିଂ ସହ ଦ୍ୱିତୀୟ ସ୍ଥାନରେ ରାହୁଲ ଗାନ୍ଧୀ ଅଛନ୍ତି । ନିର୍ବାଚନ ଆରମ୍ଭ ହେବା ପୂର୍ବରୁ ହିଁ ଲୋକଙ୍କ ପସନ୍ଦ ନରେନ୍ଦ୍ର ମୋଦି ରହିଥିଲା । ଏବେ ଯାଏଁ ନିର୍ବାଚନର ତୃତୀୟ ପର୍ଯ୍ୟାୟ ମତଦାନ ଶେଷ ହେବା ପରେ ବି ମୋଦିଙ୍କ ସ୍ଥିତି ଭଲ ରହିଛି । ଲୋକପ୍ରିୟତାକୁ ଦେଖାବାକୁ ଗଲେ ମୋଦିଙ୍କ ଦବଦବା ଭଲ ରହିଛି । ସେପଟେ ମୋଦିଙ୍କ ପଛରେ ରାହୁଲ ରହିଛନ୍ତି ।
