କଳାହାଣ୍ଡି(ଏଟିଆର ବ୍ୟୁରୋ): ୫ ଦିନ ପରେ ନିଖୋଜ ବ୍ୟକ୍ତିଙ୍କ ଗଳିତ ମୃତଦେହ କଳାହାଣ୍ଡି ଜିଲ୍ଲା କର୍ଲ।ପାଟ ଜଙ୍ଗଲରୁ ଉଦ୍ଦାର ହୋଇଛି । ମୃତକ ଜଣଙ୍କ ପୁରୁଣାପଡାର ଦେବେନ୍ଦ୍ର ବହେରା ବୋଲି ଜଣାପଡିଛି । ସୂଚନାଯୋଗ୍ୟ ଦେବେନ୍ଦ୍ର ଗତ ୨୪ ତାରିଖରୁ ନିଖୋଜ ଥିଲେ ଏନେଇ ପୋଲିସରେ ଏତଲା ହେବା ପରେ । ପୋଲିସ ଘଟଣାରେ ୭ ଜଣଙ୍କୁ ଅଟକ ରଖି ପଚରାଉଚରା କରୁଥିଲା ।
ତେବେ ଆଜି ଦେବେନ୍ଦ୍ରଙ୍କ ମୃତଦେହ ଜଙ୍ଗଲରୁ ଉଦ୍ଧାର ହୋଇଛି । ଘଟଣା ସ୍ଥଳରେ ପୋଲିସ ପହଞ୍ଚି ଅଧିକ ତଦନ୍ତ ଆରମ୍ଭ କରିଛି । ତେବେ ମୃତ ଦେବେନ୍ଦ୍ରଙ୍କ ସହ ଗିରଫ ହୋଇଥିବା ୭ ଜଣ ଚୋରା କାଠ ବେପାରରେ ସଂପୃକ୍ତ ବୋଲି ପ୍ରାଥମିକ ତଦନ୍ତରୁ ଜଣାପଡିଛି । ତେବେ ଚୋରା କାଠ ଚୋରା ବେପାର ନେଇ ଟଙ୍କା ଦେଣନେଣ ନେଇ ଦେବେନ୍ଦ୍ରଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ସ
ମସ୍ତେ ମଦ ପିଇ ସାରିବା ପରେ ମଦ ନିଶାରେ ଦେବେନ୍ଦ୍ରଙ୍କୁ କାଠ ଫାଳିଆରେ ଆକ୍ରମଣ କରାଯାଇଛି । ମୁଖ୍ୟ ଅଭିଯୁକ୍ତ ଭାରତ ବିଶ୍ବାଳ ମଦ ନିଶାରେ କାଠ ଫାଳିଆରେ ପିଟି ପିଟି ହତ୍ୟା କରିଥିବା ପୋଲିସ ପାଖରେ ସ୍ବୀକାର କରୁଥିବା ପୋଲିସ ସୁଚନା ଦେଇଛି ।ପୋଲିସ ମୃତ ଦେହ ଜବତ କରି ଶବ ବ୍ୟବଛେଦ ପାଇଁ ପଠାଇଛି । ଘଟଣାକୁ ନେଇ ସଦରଥାନା ପୋଲିସ ଅଧିକ ତଦନ୍ତ ଆରମ୍ଭ କରିଛି । ତେବେ ଏନେଇ ପରିବାର ଲୋକଙ୍କ ପ୍ରତିକ୍ରିୟା ମିଳି ପାରିନାହିଁ ।
