ସାଲେପୁର (ଏଟିଆର ବ୍ୟୁରୋ); ଚୋରି କରିବାକୁ ଆସି ନାମ ନେଲେ ୩ ଯୁବକ । ବନ୍ଧା ହୋଇ ମାଡ ଖାଇଲେ ପରେ ଥାନାକୁ ଗଲେ । ତେବେ ଏଭଳି ଘଟଣା ଘଟିଛି ସାଲେପୁର ଥାନା ଅଢ଼ଙ୍ଗାଁରେ । ସ୍ଥାନୀୟ ଅଞ୍ଚଳର ଅବଦୁଲ ମଲ୍ଲିକ ଖାନଙ୍କ ଘରେ ଚୋରି ଉଦ୍ୟମ କରିଥିବା ଯୁବକଙ୍କ ଯୋଜନା ବିଫଳ ହୋଇଛି । ଶେଷରେ ଥାନାକୁ ଯାଇଛନ୍ତି ତିନି ଚୋର । ଗିରଫ ହୋଇଥିବା ତିନି ଯୁବକ ହେଲେ ସେହି ଗାଁର ବୀରକିଶୋର ସାହୁ ଓ ଲଷ୍ମୀଧର ସାହୁ ଏବଂ ସୁନାଖଣ୍ଡି କାଶୀପୁର ଗାଁର ଗଣେଶ୍ୱର କାଣ୍ଡି।
ପୋଲିସ ରିପୋର୍ଟ ମୁତାବକ ଗତକାଲି ବିଳମ୍ବିତ ରାତିରେ ତିନିଜଣ ଯାକ ଅବଦୁଲାଙ୍କ ପାଚେରୀ ଡେଇଁ ପଶିଥିଲେ । ତେବେ ରାମଜାନ ଚାଲିଥିବାରୁ ଅବଦୁଲାଙ୍କ ପରିବାର ଓଷା ପାଇଁ ନିଦରୁ ଉଠି ପ୍ରସ୍ତୁତ ହେଉଥିଲେ । ଚୋର ପଶିବା ନେଇ ସେମାନେ ଜାଣିପାରିଥିଲେ । ଏବଂ ଚାଲକ କରି ସତର୍କ ହୋଇଥିଲେ । ପଡୋଶୀ ଘରକୁ ଫୋନ କରି ସଜାଗ ହୋଇ ରହିଥିଲେ ।
ଚୋରି କରିବା ପାଇଁ ଘରେ ପଶିବାକୁ ଯାଉଥିବା ବେଳେ ପଡୋଶୀ ଏବଂ ଅବଦୁଲାଙ୍କ ପରିବାର ଲୋକ ମିଶି ସେମାନଙ୍କୁ କାବୁ କରି ନେଇଥିଲେ । ଚୋରଙ୍କୁ ନଡିଆ ଗଛରେ ବାନ୍ଧି ମାଡ ମାରିଥିଲେ । ଏବଂ ପରେ ସେମାନେ ପୋଲିସକୁ ଖବର ଦେଇଥିଲେ । ପୋଲିସ କବର ପାଇ ତିନିଜଣଙ୍କୁ ଗିରଫ କରିଛି । ଚୋରି କରିବା ପାଇଁ ଘରେ ପଶିବାକୁ ଚେଷ୍ଠା କରୁଥିବା ଚୋର ଶେଷରେ ଜେଲରେ ପଶିଛନ୍ତି । ଏହି ଘଟଣା ଏବେ ସାରା ଅଞ୍ଚଳରେ ଚର୍ଚ୍ଚାର ବିଷୟ ପାଲଟି ଯାଇଛି ।
