ଲଣ୍ଡନ (ଏଟିଆର ବ୍ୟୁରୋ); ନିକଟରେ ରିଲିଜ ହୋଇଥିବା ‘ଭାରତ’ ଫିଲ୍ମ ଦେଖିଛନ୍ତି ଭାରତୀୟ ଖେଳାଳି । ସଲମାନ ଖାନ ଏବଂ କ୍ୟାଟ୍ରିନା କୈଫଙ୍କ ଏହି ଫିଲ୍ମଟି ବକ୍ସ ଅଫିସରେ ଧମାଲ ମଚାଇ ସାରିଛି । ତେବେ ବିଶ୍ୱକପ ଖେଳିବା ପାଇଁ ଯାଇଥିବା ଭାରତୀୟ ଖେଳାଳିମାନେ ମଧ୍ୟ ‘ଭାରତ’ର ମଜା ନେଇଛନ୍ତି । ଦଳର ୫ଜଣ ଖେଳାଳି ଫିଲ୍ମ ଦେଖିବା ପାଇଁ ଯାଇଥିଲେ । ଯାହାକି ଏବେ ସୋସିଆଲ ମିଡିଆରେ ବୁଲୁଛି ।
କେଦାର ଯାଦବ ନିଜର ଟ୍ୱିଟର ପେଜରେ ଫିଲ୍ମ ଦେଖି ଯାଇଥିବା ଫଟୋ ପୋଷ୍ଟ କରିଛନ୍ତି । ଏହି ଫଟୋରେ ଧୋନୀ,ଧାୱନ,ରାହୁଲ,ହାର୍ଦ୍ଦିକ ପାଣ୍ଡ୍ୟା ଏବଂ କେଦାର ଯାଦବ ଯାଇଥିବାର ଫଟୋ ରହିଛି । କେଦାର ଯାଦବ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏହି ଫଟୋଟିକୁ ସେୟାର୍ କରି ଲେଖିଛନ୍ତି ‘ଭାରତ ଚଳଚ୍ଚିତ୍ର ପରେ ଭାରତୀୟ ଟିମ୍’। ଉଲ୍ଲେଖଯୋଗ୍ୟ, ଭାରତ ତା’ର ପରବର୍ତ୍ତର ବିଶ୍ୱ କପ୍ ମ୍ୟାଚ୍ ଜୁନ୍ ୧୩ ତାରିଖରେ ନଟିଂଘମଠାରେ ନିଉଜିଲାଣ୍ଡ ବିପକ୍ଷରେ ମ୍ୟାଚ୍ ଖେଳିବ।
ଇଦରେ ରିଲିଜ ହୋଇଥିବା ଏହି ଫିଲ୍ମଟି ବେଶ ହିଟ ହେବାରେ ଲାଗିଛି । ଗୋଟିଏ ସପ୍ତାହରେ ୧୭୫ କୋଟି ବ୍ୟବସାୟ କରି ସାରିଲାଣି । ଦର୍ଶକଙ୍କ ମନ ମଧ୍ୟ ମୋହିବାରେ ଲାଗିଛି । ସଲମାନ ଏବଂ କ୍ୟାଟ୍ରିନାଙ୍କ ଅଭିନୟ ନିଖୁଣ ହୋଇଛି । ଯାହାକି ଭାରତୀୟ ଖେଳାଳିଙ୍କ ମନକୁ ମଧ୍ୟ ଛୁଇଁଥିବା ଶୁଣିବାକୁ ମିଳିଛି । ବିଶ୍ୱକପରେ ଭାଗ ନେଇଥିବା ବାକି ଦଳଠାରୁ ଭାରତ କମ ମ୍ୟାଚ ଖେଳିଛି । ସବୁ ଦଳ ଅପେକ୍ଷା ଭାରତୀୟ ଦଳକୁ ଅଧିକ ସମୟ ବିଶ୍ରାମ ମଧ୍ୟ ମିଳିଛି ।
