ଲଣ୍ଡନ (ଏଟିଆର ବ୍ୟୁରୋ); ଚଳିତ ବିଶ୍ୱକପରେ ଭାରତ ତାର ପଞ୍ଚମ ମ୍ୟାଚରେ ଆଫଗାନିସ୍ତାନକୁ ସାମନା କରିବ । ଭାରତ ୪ଟି ମ୍ୟାଚରୁ ୩ ବିଜୟ ସହ ଗୋଟିଏ ମ୍ୟାଚ ଫଳାଫଳ ଶୂନ୍ୟ ହୋଇଥିଲା । ତେବେ ଦଳ ୪ଟି ମ୍ୟାଚରୁ ୭ ପଏଣ୍ଟ ପାଇଛି । ଅପରପକ୍ଷରେ ଆଫଗାନିସ୍ତାନ ଏବେ ସୁଦ୍ଧା ହେଗାଟିଏ ହେଲେ ମ୍ୟାଚ ଜିତିନାହିଁ । ଭାରତ ଏବେ ଯେଉଁ ଭଳି ଫର୍ମରେ ରହିଛି ଆଜିର ମ୍ୟାଚ ଏକତରଫା ହେବ ବୋଲି ଆଶା ରଖିଛନ୍ତି କ୍ରିକେଟ ପ୍ରେମୀ ।
ଭାରତର ଓପନର ବ୍ୟାଟ୍ସମ୍ୟାନ ଶିଖର ଧାୱନ ଆହତ ହେବା ପରେ ତାଙ୍କ ସ୍ଥାନରେ ଦଳରେ ସାମିଲ ହୋଇଛନ୍ତି ଯୁବ ଖେଳାଳି ରିଷଭ ପନ୍ଥ । ଆଜିର ମ୍ୟାଚରେ ସେ ଦଳରେ ସ୍ଥାନ ପାଇବାର ସମ୍ଭାବନା ଅଧିକ ରହିଛି । ବିଜୟ ଶଙ୍କର ଏବଂ ପନ୍ଥଙ୍କ ମଧ୍ୟରୁ ଜଣେ ଖେଳିବେ । ତେବେ ବୁମରାଙ୍କ ବୋଲିଂରେ ଅଭ୍ୟାସ ବେଳେ ଆହତ ହୋଇଛନ୍ତି ବିଜୟ ଶଙ୍କର । କିନ୍ତୁ ଦଳ ଏହା ଜଣାଇ ନାହିଁ । ଶେଷ ପର୍ଯ୍ୟନ୍ତ ସୁସ୍ଥ ହେବା ପାଇଁ ଅପେକ୍ଷା ।
ଭୁବି ଆହତ ହେବା ପରେ ଦଳର ଚିନ୍ତା ବଢ଼ି ଯାଇଛି । ତେବେ ଆଜି ତାଙ୍କ ସ୍ଥାନରେ ମହମ୍ମଦ ସାମି ଖେଳିବା ନିଶ୍ଚିନ୍ତ । ସମ୍ଭାବ୍ୟ ଭାରତ: ବିରାଟ କୋହଲି (ଅଧିନାୟକ), ରୋହିତ ଶର୍ମା, ଲୋକେଶ ରାହୁଲ, ମହେନ୍ଦ୍ର ସିଂହ ଧୋନି, କେଦାର ଯାଦବ, ହାର୍ଦିକ ପାଣ୍ଡ୍ୟା, ଋଷବ ପନ୍ତ/ବିଜୟ ଶଙ୍କର, କୁଲଦୀପ ଯାଦବ, ୟୁଜବେନ୍ଦ୍ର ଚହଲ, ଯଶପ୍ରୀତ ବୁମରା, ମହମ୍ମଦ ସାମି।
