ଝାରସୁଗୁଡା (ଏଟିଆର ବ୍ୟୁରୋ); ବ୍ରଜରାଜନଗର ଗାନ୍ଧୀ ଛକ ୪୯ ନମ୍ବର ଜାତୀୟ ରାଜପଥରେ ଯାତାୟତ ଠପ ରହିଛି । ଗତକାଲି ରାତିରେ ଗୁଳିବାଣ୍ଡରେ ଜଣଙ୍କର ପ୍ରାଣ ଯାଇଥିଲା । ତେବେ ଯେଉଁ ଦୁର୍ବୃତ୍ତମାନେ ଏହି ଗୁଳିକାଣ୍ଡ ଭିଆଇଥିଲେ ସେମାନେ ଖୋଲାରେ ବୁଲଉଛନ୍ତି । କିନ୍ତୁ ପୋଲିସ ନିଘୋଡ ନିଦରେ ଶୋଇଛି । ଅଭିଯୋଗ କରିବା ପରେ ମଧ୍ୟ ପୋଲିସ କୌଣସି ପଦକ୍ଷେପ ନେଇଥିବା ଅଭିଯୋଗ ହୋଇଛି । ଏଣୁ ଏହି ପ୍ରତିବାଦରେ ଉତ୍ୟକ୍ତ ଲୋକ ରାସ୍ତା ରୋକ କରିଛନ୍ତି । ରାସ୍ତାର ଉଭୟ ପାଶ୍ୱର୍ରେ ଶହ ଶହ ଗାଡି ମଟର ଅଟକି ରହିଛି । ରିପୋର୍ଟ ଲେଖାଯିବ ପର୍ଯ୍ୟନ୍ତ ରାସ୍ତାରୋକ ହଟିନଥିଲା ।
ସୂଚନାଯୋଗ୍ୟ, ଅମିତ ଧଳ ନାମକ ଜଣେ ଯୁବକ ଆଜି ରାତି ପ୍ରାୟ ସାଢ଼େ ୮ଟା ବେଳେ ନିଜ ଅଫିସ୍ ଆଗରେ ଜଣେ ବନ୍ଧୁଙ୍କ ସହ ବସିଥିଲେ। ଏହି ସମୟରେ ଦୁଇ ଜଣ ଯୁବକ ଏକ ବାଇକ୍ରେ ଆସି ଅମିତଙ୍କୁ ପ୍ରଥମେ ନମସ୍କାର ଜଣାଇବାରେ ହଠାତ୍ ପିସ୍ତଲ ବାହାର କରି ୪/୫ ରାଉଣ୍ଡ ଗୁଳି ଚଳାଇଥିଲ। ଏଥିରେ ଅମିତ ଗୁରୁତର ଭାବେ ଆହତ ହୋଇଥିବା ବେଳେ ଅଭିଯୁକ୍ତମାନେ ବାଇକ୍ ଓ ପିସ୍ତଲ ଛାଡ଼ି ଫେରାର ହୋଇଯାଇଥିଲେ। ତୁରନ୍ତ ଅମିତଙ୍କୁ ମଣ୍ଡାଳିଆ କେନ୍ଦ୍ରୀୟ ଚିକିତ୍ସାଳୟକୁ ନିଆଯାଇଥିଲା। ଗୁରୁତର ଅମିତଙ୍କୁ ଭୁବନେଶ୍ବରକୁ ଚିକିତ୍ସା ପାଇଁ ନିଆଯାଉଥିବା ବେଳେ ରାସ୍ତାରେ ମୃତ୍ୟୁ ହୋଇଥିଲା ।
