ପୁରୀ (ଏଟିଆର ବ୍ୟୁରୋ); ସରିଲା ସବୁ ପ୍ରତିକ୍ଷାର ଅନ୍ତ । ରଥାରୁଢ଼ ହେଲେ ମହାପ୍ରଭୁ । ଭାଇ ଭଉଣୀଙ୍କ ପରେ ରଥରେ ବିଜେ କରିଛନ୍ତି ଜଗତର ନାଥ ଜଗନ୍ନାଥ । ରଥରେ ବିଜେ କରିବା ପରେ ଅନ୍ୟ ନୀତିକାନ୍ତି ଆରମ୍ଭ ହେବ । ଛେରା ପହଁରା ପରେ ରଥଟଣା କାର୍ଯ୍ୟ ଆରମ୍ଭ ହେବ । ତେବେ ପୂର୍ବ ନୀତି ନିର୍ଘଣ୍ଟଠାରୁ ଆଗୁଆ ହୋଇଛି ସବୁ ନୀତି । ନୀତି ନିର୍ଘଣ୍ଟ ପୂର୍ବରୁ ପହଣ୍ଡି ହୋଇଛି ।
ପ୍ରଥମେ ସୁଦର୍ଶନଙ୍କ ପହଣ୍ଡି ହୋଇଥିଲା । ଏବଂ ପରେ ପରେ ଭାଇ ଏବଂ ଭଉଣୀ ରଥରେ ବିଜେ କରିଥିଲେ । ଏବେ ମହାପ୍ରଭୁ ବିଜେ କରିଛନ୍ତି । କାହିଁ କେତେଦୂରରୁ ଆସିଥିବା ଭକ୍ତଙ୍କ ମନସ୍କାମନା ପୂରଣ ହୋଇଛି । ରଥରେ କାଳିଆ ସାଆନ୍ତଙ୍କ ଦର୍ଶନ କରିବା ପାଇଁ ଚାହିଁ ରହିଥିଲେ । ଏବେ ସମସ୍ତ ଅପେକ୍ଷାର ଅନ୍ତ ଘଟିଛି । ଚତୁର୍ଦ୍ଧା ମୁରତି ଏବେ ବିଜେ କରିଯାଇଛନ୍ତି । ରଥ ଟାଣିବା ପାଇଁ ଭକ୍ତମାନେ ଚାହିଁ ବସିଛନ୍ତି । ସମୟ ବଢ଼ିବା ସହିତ ଭକ୍ତଙ୍କ ଭିଡ ଜମିବାରେ ଲାଗିଛି ।
